وسىلايشا, پاتەنت نەگىزىندە ارناۋلى سالىق رەجىمىن قولداناتىن دارا كاسىپكەرلەر ءۇشىن سالىق كودەكسىندە ءبىر ايدان ءبىر جىلعا دەيىن پاتەنت قۇنىنىڭ ەسەپ-قيسابىن (911.00-نىسان) ۇسىنۋ مۇمكىندىگى كوزدەلگەن. پاتەنت قۇنىن جانە الەۋمەتتىك تولەمدەردى تولەۋدى سالىق تولەۋشى ەسەپ-قيساپتى تابىس ەتكەنگە دەيىن جۇرگىزەدى.
ارناۋلى ءموبيلدى قوسىمشانى پايدالانا وتىرىپ ارناۋلى سالىق رەجىمىن قولداناتىن جەكە كاسىپكەرلەر سالىق ەسەپتىلىگىن ۇسىنبايدى. جتس جانە الەۋمەتتىك تولەمدەر سوماسى اي سايىن ارنايى ءموبيلدى قوسىمشا ارقىلى ەسەپتى ايدىڭ 15-نەن كەشىكتىرىلمەي ەسەپتەلەدى جانە ەسەپتى ايدىڭ 25-نەن كەشىكتىرىلمەي تولەنەدى.
وڭايلاتىلعان دەكلاراتسيا نەگىزىندە ارناۋلى سالىق رەجىمىن قولداناتىن سالىق تولەۋشىلەر دەكلاراتسيانى (910.00-نىسان) سالىق تولەۋشىنىڭ ورنالاسقان جەرى بويىنشا مەملەكەتتىك كىرىس ورگانىنا ءبىرىنشى جارتىجىلدىق ءۇشىن 15 تامىزدان كەشىكتىرمەي (25 تامىزدان كەشىكتىرمەي تولەيدى), ەكىنشى جارتىجىلدىق ءۇشىن 15 اقپاننان كەشىكتىرمەي (25 اقپاننان كەشىكتىرمەي تولەيدى) تابىس ەتەدى.
بۇل رەتتە, جۇمىسكەرلەردىڭ تابىسىنان جەكە تابىس سالىعىن جانە الەۋمەتتىك تولەمدەردى تولەۋدى اي سايىن, تابىستاردى تولەگەن ايدان كەيىنگى ايدىڭ 25-نەن كەشىكتىرمەي جۇرگىزەتىنىن اتاپ ءوتۋ قاجەت.
بىرىڭعاي جەر سالىعىن تولەۋشىلەر دەكلاراتسيانى (920.00-نىسان) ەسەپتى جىلدان كەيىنگى جىلدىڭ 31 ناۋرىزىنان كەشىكتىرمەي جەر ۋچاسكەسى ورنالاسقان جەردەگى سالىق ورگاندارىنا تابىس ەتەدى.
بىرىڭعاي جەر سالىعىن, جەرۇستى كوزدەرىندەگى سۋ رەسۋرستارىن پايدالانعانى ءۇشىن تولەماقىنى تولەۋ جەر ۋچاسكەسى ورنالاسقان جەر بويىنشا دا مىناداي تارتىپپەن جۇرگىزىلەدى:
1) ەسەپتى كەزەڭنىڭ 1 قاڭتارىنان 1 قازانىنا دەيىن ەسەپتەلگەن سومالار اعىمداعى ەسەپتى كەزەڭنىڭ 10 قاراشاسىنان كەشىكتىرىلمەيتىن مەرزىمدە;
2) ەسەپتى كەزەڭنىڭ 1 قازانىنان 31 جەلتوقسانىنا دەيىن ەسەپتەلگەن سومالار – ەسەپتى كەزەڭنەن كەيىنگى ەسەپتى كەزەڭنىڭ 10 ساۋىرىنەن كەشىكتىرىلمەيتىن مەرزىمدە. 2022 جىلدان باستاپ بىرىڭعاي جەر سالىعىنىڭ سوماسى جەرگىلىكتى ءوزىن ءوزى باسقارۋ بيۋدجەتىنە تۇسەدى.
جالدامالى قىزمەتكەرلەر ءۇشىن جەكە تابىس سالىعىن جانە الەۋمەتتىك تولەمدەردى تولەۋدى تابىس تولەنگەن ايدان كەيىنگى ايدىڭ 25-نەن كەشىكتىرمەي اي سايىن جۇرگىزۋ قاجەت.
بولشەك سالىقتىڭ ارناۋلى سالىق رەجىمىن قولداناتىن سالىق تولەۋشىلەر دەكلاراتسيانى (913.00-نىسان) سالىق تولەۋشىنىڭ ورنالاسقان جەرى بويىنشا سالىق ورگانىنا ەسەپتى توقساننان كەيىنگى ەكىنشى ايدىڭ 15-كۇنىنەن كەشىكتىرمەي تابىس ەتەدى. تولەمدى ەسەپتى توقساننان كەيىنگى ەكىنشى ايدىڭ 25-نەن كەشىكتىرمەي جۇرگىزەدى. بۇل رەتتە جالدامالى جۇمىسكەرلەردىڭ تابىسىنان جەكە تابىس سالىعىن جانە الەۋمەتتىك تولەمدەر اي سايىن, تابىستاردى تولەگەن ايدان كەيىنگى ايدىڭ 25-نەن كەشىكتىرىلمەي تولەنەدى.
