قازاقستان • 24 اقپان، 2022

ەل تىنىشتىعىن ساقتاۋ – ەرلەردىڭ ءىسى

159 رەت كورسەتىلدى

ەلىمىز بويىنشا 2021 جىلى مەرزىمدى اسكەري قىزمەتكە شاقىرۋدىڭ قورىتىندىسى شىعارىلدى. وتكەن جىلى قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قاتارىنا 32 مىڭنان استام ازامات شاقىرىلعان.

ەلوردادا قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى، گەنەرال-لەيتەنانت مارات قۇسايىنوۆتىڭ باسشىلىعىمەن كەڭەس ءوتتى. وعان قاۋىپسىزدىك كەڭەسىنىڭ، باس پروكۋراتۋرانىڭ، كۇشتىك قۇرىلىمداردىڭ، ورتالىق مەملەكەتتىك ورگانداردىڭ وكىلدەرى، اكىمدەردىڭ ورىنباسارلارى، دەنساۋلىق ساقتاۋ باسقارمالارىنىڭ باسشىلارى، وبلىستاردىڭ جانە رەسپۋبليكالىق ماڭىزى بار قالالاردىڭ قورعانىس ىستەرى جونىندەگى دەپارتامەنتتەرىنىڭ باستىقتارى قاتىستى.

جيىندا بەلگىلى بولعانداي، 2021 جىلى قارۋلى كۇشتەردىڭ، باسقا دا اسكەر­لەر مەن اسكەري قۇرالىمداردىڭ قاتارى­نا 32 مىڭنان استام ازامات شاقىرىل­عان. بۇل كۇشتىك قۇرىلىمداردىڭ بولىمشە­لەرىن مەرزىمدى قىزمەتتەگى اسكەري قىزمەت­شىلەردىڭ قاجەتتى سانىمەن جاساقتاۋعا مۇمكىندىك بەرگەن. اسكەرگە شاقىرى­لۋشىلار شاقىرۋ پۋنكتەرىندە جانە اسكەري بولىمدەرگە كەلگەننەن كەيىن دەنساۋلىق قاۋىپسىزدىگىن قامتاماسىز ەتۋ ماقساتىندا COVID-19-عا پتر-زەرتتەۋلەر جۇرگىزدى.

بۇگىندە اسكەرگە شاقىرۋ جاسىنداعى جاستار گادجەتتەرگە شامادان تىس قۇمار­لىققا، تەڭگەرىمسىز تاماقتانۋعا بايلانىستى جانە قوزعالىستىڭ ازدىعىنان بىر­قاتار اۋرۋدان زارداپ شەگەدى دەلىن­گەن مەديتسينالىق كوميسسيا كەلتىرگەن ما­لىمەتتەردە. العاشقى مەديتسينالىق كۋا­لان­دىرۋدان كەيىن ولار قوسىمشا تەكسەرۋگە جىبەرىلەدى. سونىمەن قاتار قازىرگى ۋاقىتتا كانديداتتاردى كۋالاندىرۋ جۇ­مى­سىنىڭ ساپاسىن ارتتىرۋ ماقساتىندا دەن­ساۋلىق ساقتاۋ مينيسترلىگىنىڭ اقپارات­تىق جۇيەلەرىنە قول جەتكىزۋ ماسەلەسى شەشىلۋدە.

قازاقستان پرەزيدەنتى قاسىم-جومارت توقاەۆتىڭ جاستاردىڭ مەرزىمدى اسكەري قىزمەت اتقارۋعا ىنتاسىن ارتتىرۋ جو­نىندەگى تاپسىرماسىن ىسكە اسىرۋ شەڭ­بەرىندە قورعانىس مينيسترلىگى بىرقاتار ۇسىنىس ازىرلەدى. ولار اسكەرگە شاقى­رى­لۋشىلار مەن ولاردىڭ وتباسى مۇشەلەرىن الەۋمەتتىك قولداۋعا قاتىستى بولىپ وتىر. قورعانىس ۆەدومستۆوسى ازاماتتاردىڭ مەرزىمدى اسكەري قىزمەت وتكەرۋ كەزەڭىندە ولارعا كرەديتتەر مەرزىمىن ۇزارتىپ بەرۋ­دى، ءبىلىم بەرۋ سەكتورىندا جەڭىلدىكتەر قاراس­تىرۋدى، سونداي-اق ولاردىڭ وتباسى مۇشە­لەرىنە كوممۋنالدىق قىزمەتتەرگە اقى تولەۋ كەزىندە جەڭىلدىكتەر بەرۋدى ۇسىندى.

باس شتاب باستىعى اسكەرلەردى جاس ساربازدارمەن ۋاقتىلى جانە ساپالى جاساقتاۋعا، اسكەرگە شاقىرۋ جانە مەديتسينالىق كوميسسيالار جۇمىسىنىڭ ساپاسىن جاقسارتۋعا، سونداي-اق ورىن العان وزەكتى ماسەلەلەردى شەشۋدە بىرلەسىپ شارالار قابىلداۋعا نازار اۋداردى. ودان وزگە، الداعى كوكتەمگى اسكەرگە شاقىرۋ مىندەتتەرى دە بەلگىلەندى. بيىل قازاقستاندا كوكتەمگى اسكەرگە شاقىرۋ ناۋقانى 1 ناۋرىزدا باستالىپ، ماۋسىم ايىنىڭ سوڭىنا دەيىن جالعاسادى. وسى ۋاقىت ىشىندە قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قاتارىن 18-27 جاس ارالىعىنداعى 17 مىڭعا جۋىق ءجاسوسپىرىم تولىقتىرادى دەپ كۇتىلۋدە.

سوڭعى جاڭالىقتار

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار