بۇل جونىندە حابارلاما وبلىستىق توتەنشە جاعدايلار دەپارتامەنتىنە ساعات 12.10-دە تۇسكەن.
ءورت سوندىرۋشىلەر وقيعا ورنىنا 12.18-دە جەتتى. وقيعا ارال قالاسىنا جاقىن جەردە ورنالاسقان التىنقۇدىق دەگەن جەردە بولعان. بۇل اۋىل اۋدان ورتالىعىنان شامامەن 10 شاقىرىم قاشىقتىقتا ورنالاسقان.
«قونۋعا بەت العان ۇشاقتىڭ تولىق جانىپ كەتكەنى بەلگىلى بولدى. ءورتتىڭ ازىرگە نەدەن شىققانى بەلگىسىز. بۇل ماقساتتا وقيعا ورنىندا ارنايى ساراپتاما تاعايىندالادى», دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.
ۆەدومستۆو مالىمەتىنشە, اتالعان ۇشاق TJA5217 سانيتارلىق باعىتى بويىنشا جۇمىس جاساعان.
ەكيپاج «ساناۆياتسيا» قىزمەتىنىڭ تاپسىرماسى بويىنشا شىققان.
ۇشاق ىشىندە 1970 جىلعى ەكيپاج كومانديرى, 1992 جىلعى ەكىنشى پيلوت جانە 1974 جىلعى دارىگەر بولعان. ولاردىڭ بارلىعى امان, ەشقانداي زارداپ شەكپەگەن. ولارعا مەديتسينالىق كومەك قاجەت بولعان جوق.
