ەو زاڭ شىعارۋشى ورگانىنىڭ جاريالانىمىنا سايكەس, ەۋروپا ۋكرايناعا ەكونوميكالىق كومەكتى جەدەلدەتۋگە شەشىم قابىلدادى.
«كەڭەس بۇگىن كوميسسيا ءوز ۇسىنىسىن بەرگەننەن كەيىن 21 كۇن وتكەن سوڭ شەشىم قابىلدادى», دەلىنگەن ەو كەڭەسىنىڭ حابارلاماسىندا.
قاراجات ءبىر جىل ىشىندە ەكى بولىككە ءبولىنىپ بەرلەدى دەپ كۇتىلۋدە.
ۋكراينا اقشانىڭ ءبىرىنشى بولىگىن مەموراندۋمعا قول قويىلعاننان كەيىن, ال ەكىنشى بولىگىن قۇجاتتىڭ شارتتارى ورىندالعاننان كەيىن الادى.
قاڭتار ايىنىڭ سوڭىندا ەۋروكوميسسيا ۋكرايناعا جالپى كولەمى 1,2 ملرد ەۋرو بولاتىن ماكروقارجىلىق كومەكتىڭ جاڭا پاكەتىن ۇسىندى. بۇعان دەيىن حابارلانعانداي, ەك 600 ملن ەۋروعا ءبىرىنشى ترانشتى ەۋروپارلامەنت, ەو ەلدەرىنىڭ كەڭەسى, سونداي-اق ۋكراينا بيلىگى بۇل پاكەتتى ماقۇلداعاننان كەيىن بولە الادى.
ەۋروكوميسسيا توراعاسى ۋرسۋلا فون دەر ليايەن 2014 جىلدان باستاپ ەۋرووداق پەن ەۋروپالىق قارجى ۇيىمدارى رەسپۋبليكاعا گرانتتار مەن قارىزدار تۇرىندە 17 ملرد ەۋرودان استام قاراجات بولگەنىن ەسكە سالدى.
