فوتو اشىق دەرەك كوزدەن الىندى
«Shopan ata» ۇلتتىق مال وسىرۋشىلەر قاۋىمداستىعى ۇيىمداستىرعان اتىراۋ شارۋالارىنىڭ وڭىرلىك قۇرىلتايىنا كەلگەن شارۋالاردىڭ دەنى سۋ ماسەلەسىن كوتەردى. ونىڭ ىشىندە تەتس كانالىنىڭ سۋىن پايدالانۋ جايى قۇرىلتاي بارىسىندا بىرنەشە مارتە ءسوز بولدى.
– تەتس كانالىنىڭ توڭىرەگىندەگى 13 شارۋاشىلىقتىڭ مۇڭ-مۇقتاجىن جەتكىزۋ ءۇشىن كەلدىم. بۇل ماسەلەنى سوڭعى رەت ءۇش اي بۇرىن كوتەرگەنبىز. جالپى, جىل سايىن ايتىلاتىن ماسەلە عوي. سودان بەرى ەشتەڭە شەشىلگەن جوق. كانالدىڭ سۋى تارتىلىپ, ءتورت ت ۇلىك مال شالشىق سۋدى ءىشىپ وتىر. سالدارىنان باۋىرقۇرت دەگەن اۋرۋ تارايدى. مالىمىزدى كوبەيتەمىز دەسەك, كەرىسىنشە قۇرتتاپ ولەتىن بولدى. كانالعا ەكى مەزگىل سۋ جىبەرەمىز دەپ ەدى. بىراق ماسەلە شەشىلەر ەمەس. جالپى, بۇل توڭىرەككە مال ۇستاۋدىڭ قاجەتى بار ما, جوق پا, سونى بىلگىمىز كەلەدى. كانالعا قاتىستى ماسەلە ناقتى شەشىلە مە, جوق پا؟ – دەدى قايىرشاقتى اۋىلدىق وكرۋگىنىڭ سەرىك ەسىمدى تۇرعىنى.
م.دوسمۇحامبەتوۆتىڭ ايتۋىنشا, بۇل كۇردەلى ماسەلە. سوندىقتان كانالدىڭ سۋىن تولىقتىرۋدىڭ جولدارىن قاراستىرۋ كەرەك دەيدى.
– تەتس كانالىنىڭ توڭىرەگىندە مال جايىپ وتىرعان شارۋاشىلىقتاردىڭ جايىن جەكە قاراستىرۋ كەرەك. شارۋالار مال باسىن ارتتىرعىسى كەلەدى. ال سۋدىڭ دەڭگەيى تومەن ءتۇسىپ كەتسە, مال باسىن كوبەيتۋ مۇمكىن ەمەس. سول سەبەپتى ماسەلەنى پىسىقتاۋ قاجەت, – دەدى وبلىس اكىمى.
الايدا جەرگىلىكتى تۇرعىن قايىرشاقتى اۋىلدىق وكرۋگى اكىمىنىڭ ەسەپتىك كەزدەسۋىندە تەتس-ءتىڭ ماماندارىمەن جولىققانىن ايتتى. ولار جايىق-كاسپي باسسەيندىك ينسپەكتسياسىمەن بىرلەسىپ كانالعا سۋ جىبەرۋگە بولاتىنىن ايتقان.
ماحامبەت دوسمۇحامبەتوۆ قۇرىلتايعا قاتىسقان اۋدان اكىمدەرى مەن باسقارما باسشىلارىنا بەرىلگەن تاپسىرمالاردىڭ ۋاقىتىلى ورىندالۋى كەرەك ەكەنىن ەسكە سالدى.
