ءتيىستى قاۋلىعا وبلىستىڭ باس مەملەكەتتىك سانيتار دارىگەرى يۋري زالىگين قول قويدى. قۇجات 22 اقپاندا كۇشىنە ەنەدى.
ەرتەڭنەن باستاپ:
- Ashyq قوسىمشاسىندا «جاسىل» جانە «كوك» مارتەبەسى بار تۇلعالار ساۋدا ويىن-ساۋىق ورتالىقتارىنا, ساۋدا ۇيلەرى مەن جەلىلەرگە, باسسەيندەرگە, ويىن, تۇنگى كلۋبتارعا, كاراوكە جانە باسقا دا بيزنەس وبەكتىلەرىنە الەۋمەتتىك قاشىقتىق پەن ماسكا رەجيمىن ساقتاي وتىرىپ, شەكتەۋسىز بارا الادى;
- كورمەلەر, مارافوندار, سپورتتىق, سالتاناتتى, ەستەلىك, وتباسىلىق ءىس-شارالار, كونفەرەنتسيالار, فورۋمدار, ويىن-ساۋىق, ۇجىمدىق دۇعا ەتۋ جانە ادامدار كوپ جينالاتىن وزگە دە ءىس-شارالاردى ۇيىمداستىرۋعا, وتكىزۋگە جانە بارۋعا رۇقسات ەتىلەدى;
- كينوتەاترلاردا كينوزالعا تاماق پەن سۋسىن ىشۋگە رۇقسات ەتىلگەن;
- بالالاردىڭ ويىن-ساۋىق ورتالىقتارى, لوتەرەيا كلۋبتارى مەن بۋكمەكەرلىك كەڭسەلەردىڭ تولىمدىلىعى بويىنشا شەكتەۋلەر الىنىپ تاستالدى.
- ۇيىمدار مەن كەڭسەلەردىڭ وفلاين رەجيمدە جۇمىس ىستەۋى ءۇشىن شەكتەۋلەر الىنىپ تاستالدى (قىزمەتكەرلەردى COVID-19-عا قارسى ۆاكتسيناتسيالاۋ جاعدايىندا قاشىقتان جانە بەتپە-بەت فورماتتاعى قىزمەتكەرلەردىڭ پايىزدىق قاتىناسى بويىنشا تالاپتاردى ەسكەرمەستەن جۇمىس ىستەۋگە بولادى.
بۇل رەتتە سوڭعى 3 اي ىشىندە COVID -19-عا قارسى ۆاكتسيناتسيالاۋدىڭ تولىق كۋرسىن العان جانە COVID -19-بەن اۋىرىپ جازىلعان بارلىق قىزمەتكەرلەردىڭ وفلاين جۇمىس ىستەۋىنە جول بەرىلەدى);
- ەگەر ەكىنشى كومپونەنتتى العاننان كەيىن 6 ايدان اسپاسا, رەۆاكتسيناتسيا نەمەسە COVID-19-عا قارسى ۆاكتسيناتسيالاۋدىڭ تولىق كۋرسىن العان, ەلگە كەلەتىن قر ازاماتتارى ءۇشىن مىندەتتى پتر-تەستىلەۋ توقتاتىلدى;
- پتر-تەستسىز ۆاكتسيناتسيالاۋ پاسپورتتارىن ءوزارا مويىندايتىن شەت مەملەكەتتەردىڭ ازاماتتارىنا كىرۋگە رۇقسات ەتىلەدى;
- اۋرۋ بەلگىلەرى بولماعان جاعدايدا بايلانىستا بولعان ادامداردى ءۇي كارانتينىنە وقشاۋلاۋ جويىلدى;
- بالالاردىڭ اتا-انالارىنا نەمەسە زاڭدى وكىلدەرىنە ءبىلىم بەرۋ ۇيىمدارىنىڭ عيماراتىنا كىرۋگە رۇقسات ەتىلەدى.
ءبىلىم بەرۋ مەكەمەلەرىندە COVID -19 توپتىق اۋرۋىن تىركەگەن كەزدە سىنىپتارعا, توپتارعا جانە اعىندارعا ءۇي كارانتينى 10 كۇنگە سوزىلادى. بۇل رەتتە كارانتيندى ەنگىزۋ ءبىر سىنىپتاعى (توپتاعى), ءبىر اۋىسىمداعى نەمەسە ءبىر اعىنداعى بالالاردىڭ 30%-دان استامى دەرت جۇقتىرۋىنا بايلانىستى بولۋى ءتيىس.
بالالار ءۇي كارانتينى اياقتالعاننان كەيىن ساباقتارعا پتر-تەست تاپسىرۋسىز جانە انىقتاما ۇسىنۋسىز جىبەرىلەدى. تەمىرجول, تەڭىز, وزەن كولىگىندە جانە اۆتووتكىزگىشتەردە رەسپۋبليكانىڭ مەملەكەتتىك شەكاراسى ارقىلى وتكىزۋ پۋنكتتەرى ارقىلى قازاقستانعا كەلگەن بارلىق ادامدار (قازاقستان رەسپۋبليكاسىنىڭ ۇكىمەتتىك دەلەگاتسيالارىن; لوكوموتيۆ بريگادالارىنىڭ مۇشەلەرىن; تەمىرجول, تەڭىز جانە وزەن كولىگىندە تاسىمالداۋ قىزمەتىمەن بايلانىستى ادامداردى قوسپاعاندا) تەرمومەتريادان, ساۋالنامادان وتەدى جانە پتر ادىسىمەن (قازاق, ورىس نەمەسە اعىلشىن تىلدەرىندە) COVID-19-عا تەستتەن وتكەنى تۋرالى انىقتامانى ۇسىنۋعا مىندەتتى.
انىقتاما پتر ادىسىمەن زەرتتەۋ ءۇشىن ماتەريالدى قازاقستان مەملەكەتتىك شەكاراسىن كەسىپ وتكەن ساتتە 72 ساعاتتان ەرتە ەمەس ۋاقىتتا وتكەن جاعدايدا جارامدى; ەرىپ جۇرۋشىلەردە انىقتاما بولعان كەزدە 5 جاسقا دەيىنگى بالالارعا ارنالعان انىقتامانى ۇسىنۋ تالاپ ەتىلمەيدى; ەگەر ەكىنشى كومپونەنتتى العاننان كەيىن قازاقستاننىڭ شەكاراسىن كەسىپ ءوتۋ ساتىندە 6 ايدان اسپاعان بولسا, قازاقستان رەسپۋبليكاسىندا رەۆاكتسيناتسيانى نەمەسە COVID-19-عا قارسى ۆاكتسيناتسيالاۋدىڭ تولىق كۋرسىن العان ادامدارعا قۇجاتتىق راستاۋدى ۇسىنعان كەزدە;
قازاقستان اۋماعىندا جارامدى دەپ تانىلعان, COVID-19-عا قارسى ۆاكتسيناتسيا تۋرالى پاسپورتتى/سەرتيفيكاتتى/انىقتامانى ۇسىنعان ادامدارعا. «Pfizer» ۆاكتسيناسىن كەلەسى ساناتتاعى ازاماتتارعا قولدانۋعا رۇقسات ەتىلگەن:
- مۇمكىندىگى شەكتەۋلى ادامدار (بارلىق توپتاعى مۇگەدەكتەر) مەن 50 جاستان اسقان ادامداردىڭ رەۆاكتسيناتسيالارى;
- ۆاكتسيناتسيا:
- مۇمكىندىگى شەكتەۋلى ادامدار (بارلىق توپتاعى مۇگەدەكتەر);
- قازاقستاننان تىس جەردە ءبىرىنشى كومپونەنتتى العان ۆاكتسيناتسيالاۋ كۋرسىن اياقتاۋ ءۇشىن (ەكىنشى دوزا).
