«ەلىمىزدىڭ باتىسىندا, سولتۇستىك-باتىسىندا جاڭبىر مەن قار تۇرىندە جاۋىن-شاشىن, ال سولتۇستىگىندە بۇرقاسىن بولىپ, كوكتايعاق كۇتىلەدى. ەلىمىزدىڭ قالعان اۋماعىندا جاۋىن-شاشىنسىز اۋا رايى ساقتالادى. رەسپۋبليكا بويىنشا كەي جەرلەردە تۇمان ءتۇسىپ, جەل كۇشەيەدى», دەلىنگەن «قازگيدرومەت» رمك حابارلاماسىندا.
اقمولا وبلىسىنىڭ سولتۇستىك-باتىسىندا 15-20 م/س جەل كۇشەيىپ, بوران سوعادى, كۇندىز كوكتايعاق بولادى.
تۇندە جانە تاڭەرتەڭ الماتى وبلىسىنىڭ سولتۇستىگىندە تۇمان, جالاڭاشكول اۋدانىندا جەلدىڭ جىلدامدىعى 18-23 م/س جەتەدى.
جامبىل وبلىسىنىڭ سولتۇستىك-شىعىسىندا جەلدىڭ جىلدامدىعى 15-20, ەكپىنى 23 م/س, تۇندە جانە تاڭەرتەڭ وبلىستىڭ سولتۇستىگىندە جانە تاۋلى اۋداندارىندا تۇمان كۇتىلەدى.
قوستاناي وبلىسىنىڭ باتىسىندا جەل 15-20 م/س كۇشەيەدى, بۇرقاسىن, وبلىستىڭ وڭتۇستىگىندە تۇمان, كوكتايعاق كۇتىلەدى.
سولتۇستىك قازاقستان وبلىسىنىڭ سولتۇستىگىندە, وڭتۇستىگىندە, شىعىسىندا 15-20 م/س جەل كۇشەيىپ, بوران سوعادى, وبلىستىڭ وڭتۇستىگىندە تۇمان, كۇندىز كوكتايعاق بولادى.
كۇندىز پاۆلودار وبلىسىنىڭ سولتۇستىك-باتىسىندا 15-20 م/س جەل كۇشەيىپ, بوران سوعادى.
شىعىس قازاقستان وبلىسىنىڭ جارما اۋدانىندا جەل 15-20 م/س كۇشەيەدى.
باتىس قازاقستان, اتىراۋ وبلىستارىندا تۇمان, تۇندە شىعىستا, وبلىس ورتالىعىندا كوكتايعاق كۇتىلەدى.
ماڭعىستاۋ وبلىسىنىڭ سولتۇستىگىندە تۇمان تۇسەدى.
اقتوبە وبلىسىنىڭ وڭتۇستىگىندە كوكتايعاق كۇتىلەدى.
