«ەلىمىزدىڭ بارلىق وڭىرلەرىندە «قۇقىقتىق ءتارتىپ» جەدەل الدىن الۋ ءىس-شاراسى وتۋدە. ونىڭ ماقساتى - جەدەل جاعدايدى ساۋىقتىرۋ, زاڭدىلىق پەن قۇقىقتىق ءتارتىپتى قامتاماسىز ەتۋ بويىنشا شارالار قابىلداۋ, سونداي-اق توتەنشە جاعدايدىڭ سالدارىن جويۋ», دەدى داۋرەن قوزىباقوۆ.
ونىڭ ايتۋىنشا, ءىس-شارانى وتكىزۋ كەزەڭىندە 13 مىڭنان استام قىلمىس تىركەلگەن.
ول قىلمىستاردىڭ ەڭ كوپ سانى شىعىس قازاقستان وبلىسىندا, الماتى, قاراعاندى, سولتۇستىك قازاقستان وبلىستارىندا جانە شىمكەنت قالاسىندا جاسالعانىن ايتتى. 8 مىڭعا جۋىق قىلمىس ء«ىزىن سۋىتپاي» اشىلعان.
مىسالى, جامبىل وبلىسىندا 1995 جىلى تۋعان كۇدىكتى ءۇش ادامدى ولتىرگەنى ءۇشىن ۇستالسا, قىزىلوردا وبلىسىندا ەكى جاس جىگىتكە پىشاق جاراقاتىن سالعان 2005 جىلى تۋعان ازامات ۇستالدى.
سونداي-اق ءىىم حابارلاعانداي, بۇرىن جاسالعان 2 مىڭنان استام قىلمىس, ونىڭ ىشىندە اۋىر جانە اسا اۋىر قىلمىستاردىڭ بەتى اشىلدى. ىزدەۋدە جۇرگەن 327 قىلمىسكەر ۇستالدى.
«تارازدا 2017 جىلى شىمكەنت قالاسىندا كوشەدە اتىس قارۋىن قولدانا وتىرىپ, كامەلەتكە تولماعان بالانى ولتىرۋگە قاتىسۋشى رەتىندە حالىقارالىق ىزدەۋدە جۇرگەن كۇدىكتى ۇستالدى. الماتى وبلىسىندا حالىقارالىق ىزدەۋدە جۇرگەن قىلمىسكەر ۇستالدى, ول 2020 جىلعى 7 اقپاندا قورداي اۋدانىنىڭ ماسانچي اۋىلىندا اڭشىلىق مىلتىقپەن ءتورت ادامدى ءولتىردى. 12 كاليبرلى مر-27ەم-1س اڭشىلىق مىلتىعى تاركىلەندى. كراسنودار ولكەسىندە قارجى پيراميداسىن قۇرۋ جانە ونى باسقارعانى ءۇشىن حالىقارالىق ىزدەۋدە بولعان, 1990 جىلى تۋعان, «تسەنتر فينانس» جشس فيليالىنىڭ بۇرىنعى ديرەكتورى, 2018-2020 جىلدار ارالىعىندا اقتوبە قالاسىندا اسا ءىرى مولشەردە ازاماتتاردىڭ اقشالاي قاراجاتىن تارتۋدان تابىس الۋ بويىنشا قىلمىستىق ءىس-ارەكەتتى ۇيىمداستىرعان», دەپ ءتۇسىندىردى داۋرەن قوزىباقوۆ.
سونداي-اق ونىڭ ايتۋىنشا, رەسەي فەدەراتسياسىنىڭ كراسنودار قالاسىندا مەملەكەتارالىق ىزدەۋدە جۇرگەن قىلمىسكەر ۇستالدى, ول 2015 جىلدان 2016 جىلعا دەيىن رەسەي اۋماعىندا ۇرلانعان كولىكتەردى ساتۋ بويىنشا ۇقت باسقاردى.
بريفينگتە سونداي-اق تۇركىستان وبلىسىندا 2017 جىلعى 15 قاڭتاردا تۇلكىباس اۋدانىندا 110 مىڭ تەڭگە سوماسىنداعى اقشاسى بار سەيفتى يەلەنە وتىرىپ, Sila Oil جمقس-نا قاراقشىلىق شابۋىل جاساعان ەكى قىلمىسكەر ۇستالعانىن حابارلادى. تۇرعىلىقتى جەرى بويىنشا جانە اۆتوكولىك سالونىندا ۇستالعان كەزدە ەسىرتكى تابىلدى جانە تاركىلەندى جانە 16 كاليبرلى اڭشىلىق مىلتىقتىڭ كەسىلگەن ءنومىرى بار.
