بولجامعا سايكەس, الداعى ءۇش تاۋلىكتە قازاقستان اۋماعىنىڭ وڭتۇستىك جارتىسى اۋقىمدى انتيتسيكلون ىقپالىندا بولادى. انتيتسيكلون اسەرىنەن جاۋىن-شاشىنسىز اۋا رايى ساقتالادى.
«الايدا ەلدىڭ سولتۇستىك جارتىسىنا فرونتال بولىكتەر اسەر ەتەدى - قار جاۋادى, بوران سوعادى, جەل 15-23 م/س دەيىن كۇشەيەدى, رەسپۋبليكا بويىنشا تۇمان جانە كوكتايعاق كۇتىلەدى. ەلىمىزدىڭ سولتۇستىگى مەن ورتالىعىندا تۇندە 5-20 گرادۋس اياز, شىعىسىندا 10-29 گرادۋس اياز, وڭتۇستىگىندە 5 گرادۋس ايازدان 5 گرادۋسقا دەيىن جىلى, باتىسىندا 0-10 گرادۋس اياز بولادى», دەلىنگەن حابارلامادا.
