Foliant باسپاسىنان قالامگەردىڭ «بوپاي حانىم» رومانى شىعۋىنا وراي اۆتوردى وقىرماندارمەن وسى باسپا جۇزدەستىردى.
ايتا كەتەيىك, ابىلقايىر حاننىڭ جۇبايى بوپاي حانىمنىڭ بەينەسى ءبىر ۋاقىتتا ادەبيەتتىڭ پروزا, دراماتۋرگيا, پوەزيا جانرلارىندا سومدالدى. جازۋشى, دراماتۋرگ روزا مۇقانوۆا دراما جازىپ, ول ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىندا قويىلدى. كۇنى كەشە عانا ۇلتتىق اكادەميالىق كىتاپحانادا اقىن مارجان ەرشۋدىڭ كىتاپ بولىپ شىققان پوەماسىنىڭ تانىستىرىلىمى ءوتتى. ال «بوپاي حانىم» رومانى – ءمادي ايىمبەتوۆتىڭ التى-جەتى جىلدىق ىزدەنىسىنىڭ جەمىسى. جازۋشى نەگىزىنەن قازاق تاريحىن زەرتتەگەن ورىس تاريحشىسى يرينا ەروفەەۆانىڭ زەرتتەۋلەرىنە سۇيەنگەن. باسقا دا دەرەكتەردى اقتارىپ, سۇرىپتاپ, شىعارمانى جەتى ايدا جازىپ شىققان.
بۇل جايىندا اۆتور كەزدەسۋدە باياندادى.
وقىرماندار اۆتورعا سۇراقتارىن قويىپ, كوكەيدە جۇرگەن كوپ تۇيتكىلىنە جاۋاپ الدى. روماننىڭ اتى «بوپاي حانىم» بولا تۇرا, شىعارمادا ءابىلحايىر حاننىڭ بەينەسى باسىم بولۋىنىڭ سەبەبى نە؟» دەگەن سۇراقتارعا اۆتور كەڭىنەن جاۋاپ بەردى.
