داعدارىسقا قارسى الەمدىك ۇنقاتىسۋ الاڭى

جىل سايىن استانا قالاسىندا ەلباسى نۇرسۇلتان نازارباەۆتىڭ باستاماسىمەن الەمدىك ەكونوميكالىق فورۋم وتكىزۋ داستۇرگە اينالدى. مىنە, بيىل جەتىنشى رەت وتكىزىلگەلى وتىرعان بۇل حالىقارالىق باسقوسۋعا الەمنىڭ جۇزگە تارتا مەملەكەتتەرىنەن دۋالى اۋىز ساراپشىلار, بەلگىلى ساياساتكەرلەر, ەكونوميكا عىلىمىنىڭ كوشباس­شى­لا­رى, نوبەل سىيلىقتارىنىڭ لاۋرەاتتارى قاتىسادى دەپ كۇتىلۋدە. استانا ەكونوميكالىق فورۋمى شەڭبەرىندە وسىمەن ەكىنشى رەت جاھاندىق ەكونوميكالىق داعدارىستىڭ سەبەپ-سالدارلارىن ايقىنداپ, قيىندىقتان شىعۋ جولدارىن بەلگىلەيتىن داعدارىسقا قارسى دۇنيەجۇزىلىك كونفەرەنتسيا ۇيىمداستىرىلادى. الەم ساراپشىلارىنىڭ بەرگەن باعاسى بويىنشا, جاھاندىق شەشىمدەر قابىلدايتىن الاڭعا اينالعان – ءVىى استانا ەكونوميكالىق فورۋمىنا بۇگىندە دايىندىق جۇمىستارى كەڭ كولەمدە ءورىس الۋدا. الەمدىك داعدارىس – بارلىق ەكونوميكالىق باستاۋلاردى وزگەرتۋگە ۇشىراتاتىن ەرەكشە قۇبىلىس. وسى داعدارىسقا قارسى دۇنيەجۇزىلىك جوسپار ازىرلەۋ ماقساتىندا بۇۇ قولداۋىمەن قازاقستان رەسپۋبليكاسىنىڭ ەلورداسى – استانا قالاسىندا 2013 جىلى تۇڭعىش رەت داعدارىسقا قارسى دۇنيەجۇزىلىك كونفەرەنتسيا (دقدك) ۇيىمداستىرىلدى. شارا ءداستۇرلى تۇردە جىلدا وتەتىن استانا ەكونوميكالىق فورۋمى اياسىندا ءوتتى. وسىلايشا قازاق ەلى ۇسىنعان بىرەگەي الاڭدا الەمنىڭ ەڭ سالماقتى تەورەتيكتەرى مەن پراكتيكتەرى ءوزارا پىكىر الماستى, داعدارىسقا قارسى جاھاندىق جوسپارعا ءوز ۇسىنىستارىن قوستى.   (سوڭى 5-بەتتە). بۇل الەمدىك جيىنعا تىكەلەي قاتىسا الماعاندار, كەلە الماعاندار دا تىس قالمادى. ولار قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ باستاماسىمەن 2012 جىلدىڭ 12 قاڭتارىندا «عالىمداردىڭ ەۋرازيالىق ەكونوميكالىق كلۋبى» قاۋىمداستىعىنىڭ (عەەكق) ىقپال ەتۋىمەن ىسكە قوسىلعان www.group-global.org سايتىندا, «G-Global» كوممۋنيكاتيۆتى ينتەرنەت-الاڭى فورماتىنداعى زياتكەرلىك جەلىسىندە باياندامالارىن ازىرلەپ, پىكىرلەرىن ءبىلدىردى. ءسويتىپ, الەمدىك قارجىلىق داعدارىستان شىعۋ جولدارىن ىزدەستىرەتىن تەتىكتەردى تابۋ, تال­قى­لاۋ ماقساتىنداعى جۇمىس جەدەل قارقىنمەن دامي باستادى. قىسقا عانا ۋاقىتتا داعدارىسقا قارسى جولداردى ىزدەستىرەتىن قوزعالىسقا قاتىسۋشىلاردىڭ سانى كۇرت ارتتى. اقپاراتتىق-كوممۋنيكاتسيالىق الاڭ – داع­دا­رىستان شىعۋ تەتىكتەرىن ۇزدىكسىز ونلاين-تالقىلايتىن ورتالىققا اينالدى. «استانا ەكونوميكالىق فورۋمى مەن داعدارىسقا قارسى دۇنيەجۇزىلىك كونفەرەنتسيا» ۆيرتۋالدى جوباسى ءبىر ايدىڭ ىشىندە 68 ونلاين كونفەرەنتسيا وتكىزىپ, بارلىق ەلدەن 730 بايانداما قابىلداپ, 79 ۇسىنىس ءتۇستى.ۆيرتۋالدى جوبا تەڭ ۇيىم­داستىرۋشىلارعا ون­لاين-كون­فەرەنتسيالار ار­قى­ل­ى سىر­ت­­تاي تاقىرىپتىق سەسسيالار وتكىزۋگە مۇمكىندىك بەرگەنى دە راس. وسىلايشا, ساياسات ساحنا­سىندا ەلدى ەلەڭ ەتكىزەتىندەي وقيعا ورىن الدى. قازىرگى تاڭدا, اتقارىلعان جۇ­مىستار مەن G-Global ۆير­تۋالدى اقپاراتتى-كوم­­مۋنيكاتسيالىق الاڭ ساراپ­شىلارىنىڭ ارقاسىندا داع­دارىسقا قارسى دۇنيەجۇزىلىك جوسپاردىڭ العاشقى جوباسى ازىرلەندى. دەموكراتيالىق ۇس­تانىمدارعا نەگىزدەلگەن جانە قارجى-ەكونوميكالىق داعدارىستان شىعۋدىڭ ءتيىمدى جولدارىن تابۋعا باعىتتالعان, سونداي-اق, بولاشاق قۇلدى­راۋ­لاردىڭ الدىن الاتىن, ۇزاق مەرزىمدى ەكونوميكالىق دامۋدى قامتاماسىز ەتەتىن داعدارىسقا قارسى دۇنيەجۇزىلىك جوسپار جوباسىنا الەمنىڭ ءار تۇرعىنى اتسالىسا الادى. الەمدىك ساراپشىلار قاۋىم­داستىعىنىڭ, عىلىمي-زەرتتەۋ ورتالىقتارىنىڭ, مەملەكەتتىك ورگانداردىڭ, ۇكىمەتتىك ەمەس جانە حالىقارالىق ۇيىم­داردىڭ, ىسكەر ورتالاردىڭ وكىلدەرى, سونىمەن قاتار, قىزى­عۋشىلىق تانىتقان وزگە دە تۇلعالار دۇنيەجۇزىلىك دامۋعا بايلانىستى ءوز ۇسىنىستارى مەن پىكىرلەرىن ءبىر اي ىشىندە G-Global (www.group-global.org) الاڭىندا وي ءبولىسىپ, الەمدىك ەكونوميكانى جاھاندىق دامىتۋعا بايلانىستى ۇسىنىس­تاردى تالقىلاي الادى.داعدا­رىسقا قارسى دۇنيەجۇزىلىك جوسپاردىڭ العاشقى جوبا­سىمەن حالىقارالىق G-Global جوباسىنىڭ رەسمي سايتىندا http://www.group-global.org تا­نىسۋعا بولادى. ال, داعدا­رىسقا قارسى دۇنيەجۇزىلىك جوس­پار ءىى داعدارىسقا قارسى دۇنيەجۇزىلىك كونفەرەنتسيا كەزىندە قابىلداناتىن بولادى. استانا ەكونوميكالىق فورۋ­مى قازىرگى زامانعى ەكو­نو­ميكالىق, قارجىلىق, الەۋ­مەتتىك ماسەلەلەردىڭ شەشۋ جولدارىن ىزدەۋدە الەمنىڭ وزىق ويشىلدارىن بىرىكتىرگەن حالىقارالىق جيىن ەكەنى داۋسىز. ال داعدارىسقا قارسى دۇنيەجۇزىلىك جوسپار زاماننىڭ سۇرانىستارىنا جاۋاپ بەرە الاتىن قۇجات بولاتىنى اقيقات. ەڭ باستىسى, بۇل قۇجات – ۇلتتىق مۇددەنى قورعاۋ ءۇشىن عانا ەمەس, دۇنيەجۇزىنە سەرپىن بەرە الاتىن بىرەگەي جوبا. جىلقىباي جاعىپار ۇلى, «ەگەمەن قازاقستان».