قاۋلىعا سايكەس, الەۋمەتتىك-ەكونوميكالىق وبەكتىلەردىڭ جۇمىسىنا شەكتەۋ قويىلمايدى.
تەك مەديتسينالىق ورتالىقتار, كابينەتتەر, ستوماتولوگيا كابينەتتەرى الدىن الا جازىلۋ بويىنشا قىزمەت كورسەتەدى.
سونداي-اق, قاربالاس ساعاتتاردا اۆتوبۋستار سانىن كوبەيتۋ, بارلىق ەسىكتەردى اشۋ, وتىراتىن ورىندار سانى بويىنشا تولتىرىلۋ قاجەت. ۇيىمدار مەن كەڭسەلەرگە CوVID-19-عا قارسى ۆاكتسيناتسيالاۋدىڭ تولىق كۋرسىن العان جانە سوڭعى 3 اي ىشىندە COVID-19-بەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە (جۇمىس ورنىندا) جۇمىس ىستەۋىنە جول بەرىلەدى.
ونەركاسىپ, كوممۋنالدىق تەلە-راديو كوممۋنيكاتسيالىق جانە بايلانىس قىزمەتى, قۇرىلىس, اۋىل جانە بالىق شارۋاشىلىعى, مال شارۋاشىلىعى, بايلانىسسىز قىزمەتتەر مەن تۋريستىك كومپانيالار, بيزنەس ورتالىقتارى مەن مەديتسينالىق ۇيىمدار, مۋزەيلەر مەن كىتاپحانالار, ازىق-ت ۇلىك دۇكەندەرى مەن شاعىن ماركەتتەر قالىپتى جاعدايدا قىزمەت كورسەتەدى.
سونداي-اق, سۇلۋلىق ورتالىقتارى مەن سالوندارى, شاشتارازدار, مانيكيۋر مەن پەديكيۋر قىزمەتتەرى, كوسمەتيكالىق جانە كوسمەتولوگيالىق قىزمەت كورسەتەتىن ورىندار (الدىن الا جازىلۋمەن), اشىق بازارلار (ازىق-ت ۇلىك, ازىق-ت ۇلىك ەمەس), جارمەڭكەلەردە دە قالىپتى رەجيم ساقتالادى.
«Ashyq» جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتى شەكتەۋسىز جۇرگىزىلەدى. سالتاناتتى, وتباسىلىق, ەسكە الۋ ءىس-شارالاردى (بانكەتتەر, ەسكە الۋ) وتكىزۋ, كونفەرەنتسيالار, فورۋمدار, ادامدار كوپ جينالاتىن ويىن-ساۋىق جانە وزگە دە ءىس-شارالار مەن كورمەلەر, مارافوندار وتكىزۋ شەكتەۋسىز جۇزەگە اسىرىلادى.
سونداي-اق, ولاردىڭ قاتارىندا سپورت كەشەندەرى مەن سپورتتىق ساۋىقتىرۋ ورتالىقتارى, ويىن كلۋبتارى مەن تۇنگى كلۋبتار, كاراوكە زالدارى, ساۋدا ورىندارى, باسسەيندەر بار.
