بولجامعا سۇيەنسەك, الداعى ءۇش تاۋلىكتە اۋقىمدى انتيتسيكلون اسەرىنەن قازاقستاننىڭ باسىم بولىگىندە جاۋىن-شاشىنسىز اۋا رايى ساقتالادى. ونىڭ ارتىنان رەسپۋبليكانىڭ باتىسىنا قاراي, سولتۇستىك-باتىس تسيكلون ىعىسادى, ونىڭ اسەرىنەن: 19-21 اقپان ارالىعىندا جاڭبىر مەن قار تۇرىندە جاۋىن-شاشىن, 20-21 اقپان ارالىعىندا سولتۇستىك-باتىسقا, 21 اقپاندا ەلدىڭ سولتۇستىگىنە - قار, جەلدىڭ كۇشەيۋىن جانە كوكتايعاق قۇبىلىستارىن الىپ كەلەدى.
«ەلىمىزدىڭ بارلىق اۋماعىندا تەمپەراتۋرالىق فون جوعارىلايدى دەپ كۇتىلۋدە. تەرمومەترلەر باعاندارى كەلەسىدەي تەمپەراتۋرانى كورسەتەدى: باتىستا تۇندە -5...+5 دەيىن, كۇندىز +2...+13 دەيىن, سولتۇستىكتە, سولتۇستىك-باتىستا تۇندە -5...-16 دەيىن, كۇندىز -8...+ 2 دەيىن, ورتالىقتا, شىعىستا تۇندە -8...-17, كۇندىز -1...-10, وڭتۇستىكتە, وڭتۇستىك-شىعىستا تۇندە -5...+5, كۇندىز + 5...+13 دەيىن», دەلىنگەن حابارلامادا.
