– بۇل ەشقانداي دا كەمسىتۋشىلىك نەمەسە مەنسىنبەۋشىلىك ەمەس. وسىعان دەيىن كوپتەگەن تەلەارنا مەنەن بىرنەشە رەت سۇحبات بەرۋدى سۇراعان بولاتىن. مەن ولاردىڭ ەشقايسىسىنا كەلىسكەن جوقپىن. كەيىن تەك «حابار 24» ارناسىنا عانا سۇحبات بەرەمىن دەپ شەشتىم. سەبەبى ەل ىشىندە كوپتەگەن جالعان اقپارات تاراپ جاتتى, سولارعا توقتاۋ سالۋ كەرەك بولدى. سول سۇحبات ورىس تىلىندە جاسالدى. ويتكەنى, قازاقستانداعى احۋال جونىندە شىنايى اقپاراتتى, ەڭ الدىمەن, الەم جۇرتشىلىعىنا بەرۋ كەرەك ەدى. سودان كەيىن شەتەلدىك اقپارات قۇرالدارى سۇحباتتى كەڭىنەن تاراتىپ, بارىنشا پايدالاندى. ونى ءوزىڭىز بىلەسىز, – دەدى قاسىم-جومارت توقاەۆ.
پرەزيدەنت ورىس ءتىلى – بىرىككەن ۇلتتار ۇيىمىنىڭ التى رەسمي ءتىلىنىڭ ءبىرى ەكەنىن ايتتى.
– ونى مويىنداۋىمىز كەرەك. ال, قازاق تىلىندەگى سۇحباتتىڭ ءوز اۋديتورياسى بار. جالپى, مەملەكەتتىڭ ماسەلەسىن مەملەكەتتىك تىلدە ايتۋىمىز كەرەك. ءتىلىمىز بىزدەن باسقا ەشكىمگە كەرەگى جوق. سوندىقتان, ەڭ الدىمەن, ءوزىمىز انا تىلىمىزگە قۇرمەت كورسەتۋىمىز كەرەك دەپ ويلايمىن, – دەدى مەملەكەت باسشىسى.
