ء«بىز سەرۆيستىك قىزمەت كورسەتەتىن سەرىكتەستىكتەردى «قمگ» قۇرامىنا ەنگىزە المايمىز. سەرىكتەستىكتەردى مەملەكەت مەنشىگىنە قايتا الۋ بولمايدى, كەرىسىنشە, ودان ءارى جەكەشەلەندىرۋ جوسپارلانىپ وتىر», دەدى اليك ايدارباەۆ.
سونىمەن قاتار اليك سەرىك ۇلى «وزەنمۇنايگازعا» سەرۆيستىك قىزمەت كورسەتەتىن كومپانيالارعا تولەنەتىن تاريف قۇنى مەن جۇمىسشىلار جالاقىسىن ارتتىرۋ بويىنشا جۇمىستار جاسالىپ جاتقانىن ايتتى.
اليك ايدارباەۆتىڭ ايتۋىنشا, «قازمۇنايگاز» ۇك» قازىردىڭ وزىندە 90 كومپانيانىڭ قىزمەتىن پايدالانادى. ال جالپى جۇمىسشى سانى 20 مىڭعا جۋىقتايدى ەكەن.
«قازمۇنايگاز» وزىنە قىزمەت كورسەتەتىن سەرۆيستىك سەرىكتەستىكتەردىڭ قىزمەتىن بۇدان ءارى قولداناتىنىن جانە تاريف باعاسىن كوتەرۋ كۇن تارتىبىندەگى ماسەلە ەكەنىن اتاپ ءوتتى.
