وعان الەمدىك رەيتينگتىڭ 100 جانە 200 ورىن ارالىعىندا تۇرعان تەننيسشىلەرى قاتىسادى. اتاپ ايتقاندا, ولاردىڭ ىشىندە بەلگيالىق گرەت ميننەن (96 WTA), «ۇلكەن دۋلىعا» ساناتىنداعى جۇپتىق باسەكەدەگى ءتورت ءتۋرنيردىڭ جۇلدەگەرى ماجارستاندىق تيمەي بابوش (202 WTA), بريتانيالىق حارريەت دارت (132 WTA), جاپونيالىق ميا حونتاما (138 WTA), ۋكراينالىق داريا سنيگۋر (141 WTA), يسپانيالىق الەنا بولشوۆا (151 WTA), گرۋزيالىق ماريام بولكۆادزە (177 WTA) جانە تاعى باسقا بىرنەشە تەننيسشى بار.
بۇل سىندا ەل نامىسىن جىبەك قۇلامباەۆا, گوزال اينيتدينوۆا, ارۋجان ساعىندىقوۆا, دانا بايداۋلەت, ەكاتەرينا دميتيريچەنكو جانە وزگە دە سپورتشىلارىمىز قورعايدى. ITF World Tennis Tour ايەلدەر تۋرنيرىنە بەس ساناتتاعى جارىستار كىرەدى. تۋرنيرلەردىڭ جالپى جۇلدە قورى – 15 000, 25 000, 60 000, 80 000 جانە 100 000 اقش دوللارىن قۇرايدى. نۇر-سۇلتانداعى تۋرنير ءۇشىنشى ساناتتا وتەدى. بىلتىر جازدا استانادا وتكەن وسىنداي دەڭگەيدەگى تۋرنيردە گرۋزيا وكىلى ماريام بولكۆادزە جەڭىسكە جەتكەن ەدى.
