«16 اقپاندا نۇر-سۇلتاندا قازاقستاننىڭ جاۋىنگەرلىك ونەر قاۋىمداستىعى قۇرىلتايشىلارىنىڭ جالپى جينالىسى ءوتتى. قۇرىلتايشىلاردىڭ جالپى جينالىسىنىڭ شەشىمىمەن قاۋىمداستىق پرەزيدەنتى لاۋازىمىنا ەرمەك ساعىمباەۆ سايلاندى», دەلىنگەن قازاقستاننىڭ جاۋىنگەرلىك ونەر قاۋىمداستىعىنىڭ ءباسپاسوز قىزمەتىنىڭ حابارلاماسىندا.
سونداي-اق جينالىستا قاۋىمداستىقتىڭ ءبىرىنشى ۆيتسە-پرەزيدەنتى بولىپ مالىك مىرزالين (پرەزيدەنت اكىمشىلىگى باسشىسىنىڭ ورىنباسارى), ۆيتسە-پرەزيدەنتى بولىپ بەرىك قۇنانباەۆ (ۇقك توراعاسىنىڭ ورىنباسارى), سەرىك جاراسباەۆ (مادەنيەت جانە سپورت ۆيتسە-ءمينيسترى) جانە سارسەن قۇرانبەك سايلاندى.
كەزدەسۋ بارىسىندا قاۋىمداستىق قىزمەتىنىڭ ستراتەگيالىق ماقساتتارى مەن باعىتتارى انىقتالىپ, ءتيىستى جىلعا ارنالعان جۇمىس جوسپارى بەكىتىلدى.
جاۋىنگەرلىك ونەر قاۋىمداستىعى 2019 جىلدىڭ باسىندا قۇرىلدى. ۇيىم قۇرامىنا وليمپيادالىق ەمەس سپورت تۇرلەرى بويىنشا 26 فەدەراتسيا كىرەدى. قاۋىمداستىقتىڭ نەگىزگى ماقساتى - ەلدەگى جاۋىنگەرلىك ونەردى دامىتۋ, ىلگەرىلەتۋ جانە تانىمال ەتۋ, وسكەلەڭ ۇرپاقتى سپورتپەن اينالىسۋعا تارتۋ, سونداي-اق وليمپيادالىق ەمەس سپورت تۇرلەرىنىڭ ءيميدجىن ارتتىرۋ. قاۋىمداستىق كاراتە, قويان-قولتىق كۇرەس, ارالاس مما جەكپە-جەگى, گرەپپلينگ, دجيۋ-دجيتسۋ, سامبو, پانكراتيون, ۋشۋ, مۋاي-تاي, كيكبوكسينگ, تاەكۆوندو, بەلبەۋ كۇرەسى, امبەباپ جەكپە-جەك جانە باسقا دا جەكپە-جەكتەر سياقتى سپورت تۇرلەرىن بىرىكتىرەدى.
