قازاقستاندىق «NOMAD» ۆەلوسيپەدى شۆەيتساريا دۇكەندەرىندە ساتىلادى

ءوز ەلىمىزدە وندىرىلگەن ءونىم­دەر وزگە ەلدەردىڭ تاۋارلارىمەن يىق تىرەستىرە ساتىلىپ, ساۋدا­سى ءجۇرىپ تۇرسا دەيتىن يگى ماقسات بىردەن ورىندالماسا دا, بىرتىندەپ جۇزەگە اساتىنى انىق. قازىردىڭ وزىندە قازاقتىڭ ماكارونى مەن قامىرى, كامپيتتەرى رەسەي مەن قىتاي سورەلەرىنەن تابىلۋدا. سول سياقتى الداعى كۇندەرى قازاقستاندا وندىرىلەتىن ۆەلوسي­پەدتەر شۆەيتساريانىڭ نارى­عىندا ساتىلىمعا تۇسەتىن بولادى. بۇل تۋرالى وسى كەلىسىمگە ۇيىت­قى بولعان «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى قۋانا مالىمدەپ وتىر. وتاندىق «NOMAD» برەندى بار الماتىلىق «MERIDA-KZ» كوم­پانياسى قوس دوڭگەلەكتى كولىك­­تەردىڭ سىنامالىق پارتيا­سىن سانلەجە قالاسىنا اتتاندىردى. ناتيجەسىندە «KAZNEX INVEST» قولداۋىمەن اتالمىش كاسىپورىن «VELO-PASSION SARL» مامانداندىرىلعان ۆەلو­دۇكەنى ارقىلى «NOMAD» ۆەلو­سيپەدتەرىن ساتۋدى شۆەي­تساريا اۋماعىندا ىلگەرىلەتۋ جانە دامىتۋ تۋرالى كەلىسىمگە قول جەتكىزدى. ەۋروپالىق تاراپ ءونىمنىڭ الدىن-الا تەحنيكا­لىق تەكسەرىس­تەردىڭ ناتيجەلەرى بويىنشا «NOMAD» ۆەلوسيپەدتەرى ارتىقشىلىعى مەن قۇراستىرۋ ساپاسى تۇرعىسىنان ەۋروپالىق نارىقتىڭ تالاپتارىنا سايكەس ەكەندىگىن راستادى. «نەگە شۆەيتساريا؟ بۇل ەلدىڭ حالقى 7,7 ميلليون ادامدى قۇرايدى, سونىمەن قاتار, ۆەلوسيپەدپەن جۇرۋشىلەر سانى 4 ميلليونعا جەتەدى! بۇل – ۆەلوسيپەدتەر ەلى, بۇل – سالاماتتى ءومىر سالتى. 1998 جىلى شۆەيتساريادا ۇلتتىق ۆەلوسيپەدتىك باعىتتار جەلىسى تۇرىندەگى «Veloland Schweiz» جوباسى باستالعان. كەيبىر قالالاردا قوس دوڭگەلەكتى كولىكتى كەپىلزات بەرىپ, تەگىن جالداۋعا بولاتىن باعدارلاما جۇمىس ىستەيدى. سوندىقتان ءبىز ءۇشىن, ءوندىرۋشى رەتىندە, شۆەيتساريانىڭ نارىعىنا شىعۋ ءونىمنىڭ ساپا دەڭگەيىن كورسەتۋ ءۇشىن جانە ساتىلىمنىڭ جاڭا دەڭگەيىنە شىعۋ ءۇشىن وتە جاقسى مۇمكىندىك بولىپ تابىلادى», –  دەيدى «MERIDA-KZ» ديرەكتورى مارات اقىنعازيەۆ. ۆەلوسيپەدتەردى شىعاراتىن ورتالىق ازيا ەلدەرىنىڭ ىشىندەگى جالعىز قازاقستاندىق ءوندىرۋشى ءۇشىن بۇل – ەكسپورتقا شىعۋدىڭ العاشقى قادامدارى بولىپ تابىلادى. «KAZNEX INVEST» قولداۋىمەن تاياۋ شەتەلدەر, رەسەيدىڭ, تاجىكستاننىڭ جانە اۋعانستاننىڭ نارىقتارىن يگەرۋ الداعى جوسپاردا تۇر. «MERIDA-KZ» كومپانياسى ۆەلوسيپەدتەر ءوندىرىسىن 2007 جىلى باستاعان. قوس دوڭگەلەكتى كولىكتەردىڭ بالالارعا ارنالعان, قالالىق مودەلدەرىنەن باستاپ متۆ-پروفي جانە ۆمح دەڭگەيىنە دەيىنگى 28-دەن استام مودەلدەرىن شىعارادى. ال «KAZNEX INVEST» ەكسپورت جانە ينۆەس­تيتسيالار ۇلتتىق اگەنتتىگى قر يجتم شەشىمىمەن 2010 جىلعى 10 ساۋىردە «KAZNEX» ەكسپورتتى دامىتۋ جانە ىلگەرىلەتۋ كورپوراتسياسى نەگىزىندە قۇرىلعان. ءوز قىزمەتىن 2010-2014 جىلدارعا ارنالعان قر ءۇيدب جۇزەگە اسىرۋ اياسىندا اتقارادى. بۇل شيكىزاتتىق ەمەس ەكسپورتتى دامىتۋ جانە ىلگەرىلەتۋ جۇيەسىنىڭ ۇلتتىق وپەراتورى, سونداي-اق شەتەلدىك ينۆەستورلاردى تارتۋ جانە ولارمەن جۇمىس بويىنشا مامانداندىرىلعان مەملەكەتتىك كومپانيا بولىپ تابىلادى. «KAZNEX INVEST»رەسپۋبليكالىق بيۋدجەتتەن قارجىلاندىرىلادى جانە ءوز قىزمەتتەرىن اقىسىز نەگىزدە كورسەتەدى. ايناش ەسالي, «ەگەمەن قازاقستان». الماتى.