كونفەرەنتسياعا تۇركسوي ۇيىمىنىڭ شاقىرۋىمەن قازاقستاننان امانتاي ءشارىپ پەن انار فازىلجان, قىرعىزستاننان مەريم كولباەۆا, ءازىربايجاننان ەلچين يبراحيم, وزبەكستاننان ەرگاش ابدۋۆاليتوۆ سەكىلدى تۇركى الەمىنە بەلگىلى عالىمدار ارنايى كەلدى. ولار ۇلت ۇستازىنىڭ ءومىرى مەن ەڭبەگى جايىندا جان-جاقتى ماعلۇمات بەردى.
جيىن بارىسىندا تۇركسوي ۇيىمىنىڭ باس حاتشىسى دۇيسەن قوراباي ۇلى احمەت بايتۇرسىن ۇلىنىڭ مەرەيتويىن تويلاۋ شارالارى جالعاساتىنىن جەتكىزدى.
«احمەت بايتۇرسىن ۇلىنىڭ مەرەيتويىنا ارنالعان العاشقى حالىقارالىق كونفەرەنتسيانى ءبىز ۇيىمداستىرىپ وتىرمىز. مۇنىمەن شەكتەلمەيمىز. 150 جىلدىق شارالارى جىل بويى جالعاسىن تابادى», دەدى دۇيسەن قوراباي ۇلى.
كونفەرەنتسياعا قاتىسۋشىلارعا ۇيىم تۇرىك تىلىندە دايىنداعان احمەت بايتۇرسىن ۇلى بەينەفيلمىن كورسەتتى. سونداي-اق بەلگىلى قالامگەر سەرىكباي وسپان ۇلىنىڭ «ۇلت ۇستازى» كىتابىنىڭ تۇساۋى كەسىلدى. بۇل تۋىندى تۇركسوي ۇيىمىنىڭ قارجىلاي قولداۋىمەن جارىق كوردى.
ەرتەڭ كونفەرەنتسيا ستامبۇل قالاسىنىڭ ستامبۇل ۋنيۆەرسيتەتىندە جالعاسادى.
