ونىڭ ايتۋىنشا, عىلىمي-زەرتتەۋ ينستيتۋتى بولۋى سپورتتاعى جەتىستىكتەردى دامىتۋعا كومەكتەسەدى.
«ۇلتتىق وليمپيادا كوميتەتى سپورتتىق مەديتسينادا وڭ جۇمىستار اتقاردى. مەديتسينالىق ورتالىقتار قۇردىق, زاماناۋي جابدىقتار ساتىپ الدىق, جان-جاقتى عىلىمي توپ ماماندارىن وقىتۋعا تىرىسىپ جاتىرمىز. بىراق بۇل جەتكىلىكسىز. وكىنىشكە قاراي, بىزدە عىلىمي-زەرتتەۋ ينستيتۋتى جوق. بۇل بۇقارالىق سپورت ءۇشىن دە, جەتىستىككە جەتۋ ءۇشىن دە قاجەت. مۇنداي عىلىمي-زەرتتەۋ ينستيتۋتىن قۇرۋ ماسەلەسى قازىر دە بار. سپورت عىلىمى ءبىزدىڭ جاتتىقتىرۋشىلارىمىزعا كومەكتەسۋ ءۇشىن جۇمىس ىستەۋى كەرەك. جاتتىقتىرۋشىلار اقپارات تابۋعا تىرىسادى, ۇيرەنەدى, بىراق ونى جۇيەلى تۇردە جۇرگىزۋ كەرەك. بارلىق وليمپيادا مەن توكيو وليمپياداسىنىڭ قورىتىندىسى ۇكىمەتتە وسى عىلىمي-زەرتتەۋ ينستيتۋتىن قۇرۋعا نازار اۋدارتادى دەپ ۇمىتتەنەمىز.
بۇل جۇمىستى مادەنيەت جانە سپورت مينيسترلىگى جۇرگىزىپ جاتقانىن بىلەمىن. بۇل تۋرالى ۇكىمەت دەڭگەيىندە شەشىم شىعارىلدى. ونىڭ جۇمىس ىستەۋى ءۇشىن از عانا ۋاقىت قاجەت», دەدى قاناعاتوۆ.
