قوستانايدا قۇرىلىس دەپارتامەنتىنىڭ قىزمەتكەرلەرى قاماۋعا الىندى

وڭىرلىك دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنە قاراستى قوستاناي وبلىسىنداعى مەملەكەتتىك ساۋلەت-قۇرىلىس قاداعالاۋ دەپارتامەنتىنىڭ  3 لاۋازىمدى قىزمەتكەرى قاماۋعا الىندى. بۇل تۋرالى Egemen.kz ءتىلشىسى حابارلادى. ولارعا قىلمىستىق كودەكستىڭ 314-بابى, 4-ءبولىمىنىڭ «ۆ» تارماعىنا سايكەس (پارا الۋ) ايىپ تاعىلىپ وتىر. بىزگە كەلىپ تۇسكەن اقپارعا جۇگىنسەك, قوستاناي قالالىق №2 سوتىنىڭ شەشىمىمەن اتالمىش دەپارتامەنت ديرەكتورى الەكساندر ەن مەن ءبولىم باسشىسى قايرات قاسەنوۆ قاماۋعا الىنعان. ال ديرەكتوردىڭ ورىنباسارى بولعان ەلدوس اعيتاەۆكە ءۇي قاماعىنا الۋ شاراسى قولدانىلدى. بيىلعى 20 ناۋرىز كۇنى جەمقورلىققا جول بەرگەن بۇل قىزمەتكەرلەردى قارجى پوليتسياسىنىڭ قىزمەتكەرلەرى قولعا تۇسىرگەن. بۇلارعا قاتىستى قىلمىستىق ءىستىڭ نەمەن اياقتالعانىن الداعى ۋاقىتتا قوسىمشا حابارلايتىن بولامىز. ءامىرحان الماعانبەتوۆ. دەرەككوز: Egemen.kz. فوتو: Gigamir.net.