ونىڭ دەرەگىنشە, 2020 جىلى ەلىمىزدە 14 مىڭ ينتەرنەت الاياقتىق جاسالسا, 2021 جىلى ونىڭ سانى 21 مىڭعا جەتكەن.
ءىىم وكىلى ينتەرنەت ارقىلى جاسالاتىن الاياقتىقتىڭ باسىم بولىگى قارىزعا اقشا بەرۋ ارقىلى جاسالاتىنىن ايتتى. ناقتى تۇرلەرىن اتاساق, تومەنگى پايىزبەن نەسيە بەرۋ, قىزمەت كورسەتۋ, جىلجىمايتىن م ۇلىكتى ساتۋ تاعى سول سياقتى الاياقتىقتار.
«بيىل قاڭتاردا ينتەرنەت ارقىلى 1177 الاياقتىق ارەكەت ىستەلگەن. ينتەرنەت الاياقتىق قىلمىسىنىڭ كەڭ تارالعان ءتۇرى - تاۋار ساتۋ. ياعني ينتەرنەت ارقىلى تاۋار ساتادى, ساتىپ الۋشى الدىن الا اقشاسىن تولەيدى, بىراق تاۋار جوق. سودان سوڭ ميكروكرەديتتىك مەكەمەلەردەن ونلاين نەسيە الۋ. ينتەرنەت الاياقتىقتىڭ تاعى ءبىر كەڭ تاراعان ءتۇرى ازاماتتاردىڭ جەكە دەرەكتەرىن ءبىلىپ الىپ, بانك كارتاسىنان اقشاسىن سىپىرىپ الۋ. كوبىنەسە الاياقتار وزدەرىن بانك قىزمەتكەرىمىن دەپ تانىستىرادى دا كليەنتتەن جەكە مالىمەتتەردى سۇرايدى, ودان ءارى جاعداي بەلگىلى», دەدى رۇستەم دۇيسەتاەۆ.
