وتستاۆكاداعى گەنەرال رەۆوليۋتسيا كەزىندە قازىرگى پرەزيدەنت دانيەل ورتەگامەن بىرگە سوعىسىپ, 1974 جىلى ونى تۇرمەدەن بوساتۋعا كومەكتەسكەن. بىراق كەيىن ول «پرەزيدەنت ورتەگانى ديكتاتور بولدى» دەپ ايىپتاپ, وپپوزيتسيالىق پارتيا قۇردى.
توررەس وتكەن جىلدىڭ ماۋسىمىنداعى سايلاۋ قارساڭىندا تۇتقىندالعان وپپوزيتسيونەرلەردىڭ ءبىرى بولاتىن. ۇكىمەتتىڭ مالىمەتىنشە, توررەس دەنساۋلىعى ناشارلاعان سوڭ اۋرۋحاناعا اۋىستىرىلعان. ول بەلگىسىز اۋرۋعا بايلانىستى سول جەردە قايتىس بولدى.
توررەس پەن باسقا دا تۇتقىندالعان وپپوزيتسيونەرلەرگە ورتەگا ءتورتىنشى مەرزىم قاتارىنان جەڭىسكە جەتكەن بىلتىرعى سايلاۋعا قاتىسۋعا تىيىم سالىندى. وپپوزيتسيالىق «ۋناموس» پارتياسىنىڭ سول كەزدەگى ۆيتسە-پرەزيدەنتى توررەسكە ەلدىڭ «ۇلتتىق تۇتاستىعىنا نۇقسان كەلتىرۋ ءۇشىن قاستاندىق جاسادى» دەگەن ايىپ تاعىلدى.
