جاڭا ءۇي ورال قالالىق قۇرىلىس ءبولىمىنىڭ تاپسىرىسىمەن بوي كوتەرگەن. وڭىرگە بەلگىلى «بولاشاق-ت» قۇرىلىس كومپانياسى تۇرعىزعان 9 قاباتتى ءۇيدىڭ جالپى اۋماعى – 15105,01 شارشى مەتر.
«نۇرلى جەر» مەملەكەتتىك باعدارلاماسى اياسىندا قازاقستاندىقتار جىل سايىن جاڭا باسپاناعا يە بولىپ كەلەدى. مەملەكەت باسشىسىنىڭ تىكەلەي تاپسىرماسى – حالىقتىڭ ءال-اۋقاتىن, تۇرمىستىق جاعدايىن جاقسارتۋ. بۇگىندە وڭىردە باسپانا ماسەلەسىن شەشۋ جولىندا بارلىق جۇمىس اتقارىلۋدا. بۇگىن تاپسىرىلىپ وتىرعان تۇرعىن ءۇي – مەملەكەتتىك باعدارلاما اياسىندا حالىق يگىلىگىنە بەرىلىپ جاتقان بەسىنشى ءۇي. الداعى ۋاقىتتا وسى شاعىن اۋداندا جاڭا ورتالىقتار, سپورت كەشەندەرى سالىنادى. قوعامدىق كولىك ماسەلەسىن دە وڭتايلاندىرامىز. باستى ماقسات – تۇرعىنداردىڭ ءال-اۋقاتىن ارتتىرىپ, قولايلى ءومىر سۇرۋگە جاعداي جاساۋ, – دەدى قالا اكىمى ابات شىنىبەكوۆ تۇرعىندارعا پاتەر كىلتىن تاپسىرۋ ساتىندە.
جاڭا پاتەر يەلەرىن «وتباسى بانك» اق وبلىستىق فيليالى ديرەكتورىنىڭ ورىنباسارى رينات كۋسمانوۆ تا قۇتتىقتاپ, جاڭا پاتەر يەلەرىنە باق-بەرەكە تىلەدى.
14 جىل بويى تۇرعىن ءۇي كەزەگىندە تۇرىپ, مەملەكەتتىك باعدارلاما اياسىندا ەكى بولمەلى پاتەرگە قول جەتكىزگەن رايحان بەكتەمىروۆا سوڭعى كەزدە مەملەكەتىمىزدە حالىق يگىلىگى ءۇشىن كوپ ءىس جاسالىپ جاتقانىن ايتىپ, ريزاشىلىق سەزىمىن ءبىلدىردى.
اكىمدىك ءباسپاسوز قىزمەتىنىڭ حابارلاۋىنشا, سوڭعى ون جىل ىشىندە ورال قالاسىندا مەملەكەتتىك باعدارلامالار اياسىندا 67 كوپپاتەرلى تۇرعىن ءۇي پايدالانۋعا بەرىلگەن.
باتىس قازاقستان وبلىسى
