قىزدىڭ اناسى 16.43 شاماسىندا 102 ارناسىنا ءبۇلدىرشىننىڭ جوعالعانى تۋرالى حابارلاعان. وسكەمەن قالاسىنىڭ پوليتسيا باسقارماسى جوعالعان قىزدى ىزدەستىرۋ بويىنشا جەدەل شارالار قابىلداعان.
«كوشەدەگى كىشكەنتاي قىزعا تونەتىن بارلىق قاۋىپتى ءتۇسىنىپ, ءبىز ىزدەۋ ءۇشىن بارلىق قاجەتتى شارالاردى قابىلدادىق. ءبىزدىڭ قىزمەتكەرلەرىمىزدىڭ ۇيلەسىمدى ارەكەتتەرىنىڭ ارقاسىندا قىز 10 مينۋت ىشىندە تابىلدى. بۇل رەتتە كامەلەتكە تولماعانداردىڭ ىستەرى جونىندەگى ۋچاسكەلىك ينسپەكتور, اعا لەيتەنانت راسۋل اباەۆتىڭ, پاترۋلدىك پوليتسيا باتالونى قىزمەتىنىڭ ينسپەكتورى, اعا لەيتەنانت ازامات دونەنباەۆتىڭ, بپپ قىزمەتىنىڭ ينسپەكتورى, پوليتسيا اعا لەيتەنانتى ميراس ايتمۇقاشوۆتىڭ كاسىبيلىگىن اتاپ وتكىم كەلەدى», دەلىنگەن وسكەمەن قالالىق پوليتسيا باسقارماسىنىڭ باستىعى اندرەي مۋلانىڭ حابارلاماسىندا.
