دەپۋتاتتارعا سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قاراۋ ۇسىنىلدى.
«زاڭ جوباسىندا مەملەكەتتىك قىزمەتشىلەر, ولارعا تەڭەستىرىلگەن ادامدار, ولاردىڭ جۇبايلارى شىعىستارىنىڭ اتالعان ادامداردىڭ كىرىستەرىنە سايكەستىگىن باقىلاۋ ەنگىزىلەدى ءارى فيسكالدىق جانە مانساپتىق سانكتسيالار بەلگىلەنەدى. بۇل رەتتە ءاربىر جاعدايدا ادامعا شىعىستارىنىڭ زاڭدىلىعىن نەگىزدەۋ مۇمكىندىگى بەرىلەتىن بولادى. اتالعان جاڭالىقتاردى حالىقتى جالپىعا بىردەي دەكلاراتسيالاۋمەن تولىق اۋقىمدى قامتۋدى ەسكەرە وتىرىپ, 2027 جىلدان باستاپ قولدانىسقا ەنگىزۋ جوسپارلانىپ وتىر», دەلىنگەن حابارلامادا.
تۇزەتۋلەردىڭ ەكىنشى بلوگى سىبايلاس جەمقورلىق فاكتىلەرى تۋرالى حابارلاعان ادامداردى قورعاۋ جۇيەسىن قالىپتاستىرۋعا باعىتتالعان.
پالاتا قاراۋىنا ۆولونتەرلىك قىزمەت, قايىرىمدىلىق, مەملەكەتتىك الەۋمەتتىك تاپسىرىس جانە ۇكىمەتتىك ەمەس ۇيىمدارعا ارنالعان گرانتتار ماسەلەلەرى بويىنشا تۇزەتۋلەر تۋرالى زاڭ جوباسى ءبىرىنشى وقىلىمدا ەنگىزىلمەك.
بيۋرو وتىرىسىندا قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى زاڭ جوباسىن جۇمىسقا الۋ ماسەلەلەرى دە قارالدى.
سونىمەن قاتار ءماجىلىس بيۋروسى مەملەكەت باسشىسى قاسىم-جومارت توقاەۆتىڭ تاپسىرمالارىنىڭ ورىندالۋىن قاداعالاۋ جانە جۇزەگە اسىرۋ ماقساتىندا قۇرىلعان «جاڭا قازاقستان» دەپۋتاتتىق توبىن تىركەدى.
