دەمونسترانتتار «بەلگياداعى نارازىلىقتار جاقىن ارادا بۇكىل ەۋروپاعا تارالادى» دەپ ەسكەرتتى. كوروناۆيرۋستىڭ ءورشۋى ۇلتتىق ءبىلىم بەرۋ رەفورماسى تۋدىرعان ماسەلەلەردى ۋشىقتىردى.
بەلگيا ۇكىمەتى مۇعالىمدەرگە جۇمىس ۋاقىتىن ۇزارتۋ, كومپيۋتەرلەندىرۋ جانە سىنىپ سانىن كوبەيتۋ سياقتى كۇردەلى تاپسىرمالار بەردى.
ء«بىز بۇدان ءارى شىداي المايمىز. ءبىز وقۋشىلارعا بارىمىزدى سالامىز, ۇزاق ۋاقىت كومپيۋتەردىڭ الدىندا وتىرامىز. اۋىرىپ ساباقتان قالۋ ماسەلەلەرىن ءبىز شەشەمىز, وسىنىڭ بارىنەن شارشادىق», دەيدى نارازىلىق بىلدىرگەن مۇعالىمدەر.
ۆاللونيا جانە بريۋسسەل فەدەراتسياسىندا مۇعالىمدەردىڭ سوڭعى كوتەرىلىسى 2011 جىلى وتكەن. بۇل جولى نارازىلىق بىلدىرۋشىلەر قاتارى ارتىپ, بارلىق كاسىپوداقتار دا ولاردى قولداپ وتىر. كوپتەگەن مۇعالىمدەر وقۋ باعدارلاماسىنىڭ ناشار ورىندالۋىنا, وقۋ جوسپارىنىڭ شەكتەۋ شارالارى سالدارىنان ۇنەمى ۇزىلۋىنە بايلانىستى وقۋ ۇلگەرىمىنىڭ تومەندەۋى ءۇشىن جاۋاپكەرشىلىكتى العىسى كەلمەيدى.
جاعداي وسىلاي جالعاسا بەرەتىن بولسا, بەلگيالىق مۇعالىمدەر, اسىرەسە ۆاللونيادا, جاقسى جاققا وزگەرىستەر جاساۋ ءۇشىن ەو-نىڭ باسقا ەلدەرىندەگى ارىپتەستەرىمەن وداق قۇرۋعا نيەتتى ەكەندەرىن ءبىلدىردى. ولاردىڭ تاعى ءبىر ۇرانى: «مەكتەپ – بولاشاققا سالىنعان ينۆەستيتسيا».
