«بۇل قازاقستاندا ورىن العان قاڭتار وقيعالارىنان كەيىنگى ءبىرىنشى كوزبە-كوز كەزدەسۋ. شىن مانىندە, قازاقستان ىشكى جانە سىرتقى دەسترۋكتيۆتى كۇشتەردىڭ تىكەلەي قاتىسۋىمەن جاسالعان تەرروريستىك اگرەسسيا اكتىسىنە تاپ بولدى», دەدى ۆلاديمير پۋتين قر پرەزيدەنتى قاسىم-جومارت توقاەۆپەن كەلىسسوزدەردەن كەيىنگى ءباسپاسوز بارىسىندا.
رف باسشىسى پرەزيدەنت توقاەۆتىڭ نىق ۇستانىمىنىڭ جانە رەسەيدىڭ, ۇجىمدىق قاۋىپسىزدىك تۋرالى شارت ۇيىمىنىڭ بارلىق وداقتاستارىنىڭ تاباندى قولداۋىنىڭ ارقاسىندا ەڭ قىسقا مەرزىمدە جاعدايدى باقىلاۋعا الۋعا, زاڭدى, ءتارتىپتى قالپىنا كەلتىرۋگە, قازاقستان جەرىنە بەيبىتشىلىك پەن تىنىشتىقتى قايتارۋعا قول جەتكىزىلگەنىن اتاپ ءوتتى.
«بۇل رەتتە ۇقشۇ تۋىنداعان قاۋىپ-قاتەرلەرگە ءتيىمدى ارەكەت ەتۋ, قاتىسۋشى مەملەكەتتەردىڭ قاۋىپسىزدىگى مەن مۇددەلەرىن قورعاۋ ءۇشىن بىتىمگەرشىلىك كۇشتەردى جەدەل ىسكە قوسۋ قابىلەتىن ايقىن كورسەتتى», دەپ تۇيىندەدى ۆ. پۋتين.
