«مادەنيەت قىزمەتكەرلەرىنىڭ الدىندا كەزدەسەتىن بىرقاتار ماسەلەلەر بار. ءبىرىنشىسى, ارينە, كىتاپحانا جۇيەسى قىزمەتكەرلەرىنىڭ تومەن جالاقىسى. ەڭبەك ءوتىلى مەن بىلىمىنە بايلانىستى ورتاشا جالاقى 72 مىڭ تەڭگەنى قۇرايدى. تيىسىنشە, ەگەر جاس مامان جۇمىسقا كەلسە, وندا ول نەبارى 50 مىڭ تەڭگە الاتىن بولادى. بۇل ۇلكەن سوما ەمەس. وسىدان كادر جەتىسپەۋشىلىگىنىڭ ماسەلەسى دە تۋىندايدى», دەدى سانات شاپاشوۆ قالالىق ماسليحاتتاعى الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيانىڭ وتىرىسىندا.
ول بۇگىنگى تاڭدا قازاقستان بويىنشا كىتاپحاناشىلاردى دايىندايتىن تەك ءتورت وقۋ نۇكتەسى بار ەكەنىن, وندا ورتا ءبىلىم الۋعا جانە «كىتاپحاناشى» ماماندىعى بويىنشا ءبىر عانا جوعارى ءبىلىم الۋعا بولاتىنىن اتاپ ءوتتى.
«بۇل ءتورت وقۋ ورنى كوكشەتاۋ, قاراعاندى, شىمكەنت, الماتى قالالارىندا ورنالاسقان. كادرلار دامىمايدى, وسپەيدى, بىلىكتىلىگىن ارتتىرمايدى, قوسىمشا ءبىلىم المايدى. جاستار اراسىندا ماماندىق تانىمال ەمەس, ەشكىم كىتاپحاناشى بولعىسى كەلمەيدى», دەپ اتاپ ءوتتى مادەنيەت باسقارماسىنىڭ باسشىسى.
