اقتوبەدە 15 جاسار قىزدى ايۋاندىقپەن ولتىرگەن ايىپكەر سوتتالدى

اقتوبە وبلىسىندا 15 جاسار قىزدى ايۋاندىقپەن ولتىرگەن سەرگەي ناۋمتسەۆ ءومىر بويىنا باس بوستاندىعىنان ايىرىلدى. بۇل تۋرالى «كتك» تەلەارناسى حابارلادى. سەرگەيدىڭ سىبايلاسى ۆيكتوريا ساۆيچ تە سوتتالدى. ەستەرىڭىزدە بولسا, وتكەن جىلدىڭ قازان ايىندا اقتوبە قالاسىنداعى كوپقاباتتى ءۇيدىڭ جانىنان دورباعا سالىنعان وقۋشى قىزدىڭ ءمايىتى تابىلدى. تەرگەۋ بارىسىندا ۆ. ءساۆيچتىڭ سۇيىكتىسىنە پاك قىز ىزدەپ, ونى ارباۋىنا تۇسىرگەنى ءمالىم بولدى. ول مەكتەپ وقۋشىسىمەن الەۋمەتتىك جەلى ارقىلى تانىسىپ, بەيكۇنا قىز بالانى جالدامالى پاتەرىنە الداپ شاقىرادى. ال ۆيكتوريانىڭ سۇيىكتىسى س. ناۋمتسەۆ سول ءتۇنى وقۋشى قىزدى زورلاپ بولعاننان كەيىن ونى بۋىندىرىپ ولتىرگەن. القا بيلەردىڭ قاتىسۋىمەن وتكەن سوت وتىرىسىندا ايىپكەرلەر س. ناۋمتسەۆ قىلمىستىق كودەكستىڭ 257,96,120 باپتارى بويىنشا, ال ۆ. ساۆيچ قىلمىستىق كودەكستىڭ 28,120,96 باپتارىنا سايكەس سوتتالعان بولاتىن. ولار بۇل ۇكىممەن كەلىسپەيتىندەرىن ايتىپ, سوتقا شاعىمدانعان ەدى. ءىستى قايتا قاراۋ بارىسىندا س. ناۋمتسەۆتىڭ جازاسى وزگەرىسسىز قالدىرىلىپ, ۆ. ساۆيچ 23 جىلعا سوتتالدى. ءامىرحان الماعانبەتوۆ. دەرەككوز: «كتك». فوتو: www.sg.com.ua.