ول ءبىرىنشى ورتا سالماقتان ورتا سالماق دارەجەسىنە اۋىسقان ساتتە-اق WBO تۇجىرىمى بويىنشا الەم چەمپيونى, امەريكالىق دەمەتريۋس اندرادەنىڭ نەگىزگى قارسىلاسى اتانعان بولاتىن. الايدا مۋنگيا اقش بوكسشىسىمەن قولعاپ تۇيىستىرۋگە ق ۇلىقتى بولعان جوق. ەندى IBF جانە IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكينمەن جانە جانىبەك الىمحان ۇلىمەن كەزدەسكىسى كەلەتىنىن مالىمدەدى.
«ەگەر اندرادە بەلدىكتى بوس قالدىرسا, جانىبەككە قارسى جۇدىرىقتاسۋ مەن ءۇشىن جاڭا مۇمكىندىك ەكەنى راس. گەننادي گولوۆكين – ۇلى بوكسشى. وعان قارسى دا رينگكە كوتەرىلگىم كەلەدى. مەن مۇنداي شايقاسقا دايىنمىن», دەيدى مەكسيكالىق بىلعارى قولعاپ شەبەرى.
