شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, سوڭعى تاۋلىكتە ءوڭىر بويىنشا 8 ءورت شىققان. «وسكەمەندەگى چەحوۆ كوشەسىندە ورنالاسقان كوپقاباتتى تۇرعىن ءۇيدىڭ 5-قاباتىنداعى پاتەردە توڭازىتقىش ورتەندى. وقيعا ورنىنا شۇعىل جەتكەن قۇتقارۋشىلار پودەزدەن 27 ادامدى, ونىڭ ىشىندە 3 بالانى ەۆاكۋاتسيالادى. ءورتتىڭ شىعۋىنا – توڭازىتقىشتىڭ اپاتتىق رەجيمى سەبەپ بولعان», دەلىنگەن اقپاراتتا.
سەمەي قالاسىنداعى جەر ۇيدە ەدەننىڭ اعاش قۇرىلىمدارى, جەكە زاتتار مەن جيھاز جاندى. ءتىلسىز جاۋدىڭ جالپى اۋدانى 20 شارشى مەتردى قۇراعان. الدىن الا مالىمەت بويىنشا ءورتتىڭ شىعۋ سەبەبى – پەشتى ورناتۋ جانە پايدالانۋ كەزىندە قاۋىپسىزدىك تالاپتارىنىڭ ساقتالماۋى.
ء«ۇرجار اۋدانىنداعى شارۋا قوجالىعىندا 2 ءۇيدىڭ شاتىرى, جيھاز, تۇرمىستىق تەحنيكا مەن جەكە زاتتاردى جالىن شارپىعان. وتتىڭ جالپى اۋدانى 100 شارشى مەترگە جەتتى. سونداي-اق التاي اۋدانىندا ازىق-ت ۇلىك دۇكەنىنە جاپسارلاس سالىنعان گاراجدا 1997 جىلعى «Toyota Hiace» ماركالى اۆتوكولىك جانعان. ءورتتىڭ شىعۋىنا – قاۋىپتىلىگى جوعارى اگرەگاتپەن ابايسىز جۇمىس اتقارۋ سەبەپ بولدى. ءدال وسىنداي سەبەپپەن جارما اۋدانىنداعى تاسجولدا «كاماز» ورتەندى», دەلىنگەن مالىمەتتە.
