قازاقستان • 08 اقپان، 2022

5G جەلىسى قاشان ىسكە قوسىلادى؟

49 رەت كورسەتىلدى

پەرسپەكتيۆالى اۋىلدىق ەلدى مەكەندەردە ءموبيلدى ينتەرنەتتىڭ ساپاسى ارتتىرىلاتىن بولادى. بۇل تۋرالى ۇكىمەتتىڭ كەڭەيتىلگەن وتىرىسىندا قر پرەمەر-ءمينيسترى ءاليحان سمايىلوۆ مالىمدەدى، دەپ حابارلايدى Egemen.kz.

پەرسپەكتيۆالى اۋىلدىق ەلدى مەكەندەردە «تسيفرلىق تەڭسىزدىكتى» بولدىرماۋ ءۇشىن ءموبيلدى ينتەرنەتتىڭ ساپاسى ارتتىرىلاتىن بولادى. سونداي-اق ءىرى قالالاردا 5G بايلانىس تەحنولوگيالارىن ىسكە قوسۋ جانە شالعاي ەلدى مەكەندەردى ينتەرنەتپەن قامتاماسىز ەتۋ ءۇشىن گەوستاتسيونارلىق ەمەس سپۋتنيكتىك جۇيەلەردىڭ جۇمىسى جوسپارلانۋدا»، دەدى ءاليحان سمايىلوۆ.

ول سونداي-اق تۋريزم سالاسىندا ەل اۋماعىنداعى نەگىزگى تۋريستىك دەستيناتسيالاردا ينۆەستيتسيالىق جوبالار ىسكە اسىرىلاتىنىن اتاپ ءوتتى. كارانتيندىك شەكتەۋلەردىڭ الىنىپ تاستالۋىنا قاراي، اعىمداعى جىلى 500 مىڭعا جۋىق سىرتتان كەلەتىن تۋريستەردى تارتۋ جوسپارلانۋدا. لوگيستيكا جانە ساۋدا سالاسىندا ترانسشەكارالىق حابتاردى دامىتۋدىڭ بىرىڭعاي ستراتەگياسى قابىلدانادى، سونداي-اق ۇلتتىق ەلەكتروندىق ساۋدانى ىنتالاندىرۋ جونىندەگى شارالاردى ىسكە اسىرۋ جوسپارلانىپ وتىر.

«ماگيسترالدىق تەمىرجول جەلىلەرىنىڭ وتكىزۋ قابىلەتى ارتادى، سونداي-اق لوگيستيكالىق قىزمەتتەردىڭ قۇنى تومەندەيدى» دەپ قوستى ءاليحان سمايىلوۆ.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار