28 اقپاندا وتەتىن كونفەرەنتسيادا جۇمىس ماسەلەلەرىن تالقىلاۋمەن قاتار, قفف پرەزيدەنتى سايلانادى.
وڭىرلىك فەدەراتسيالاردان ولجاس ابراەۆ, ادىلەت بارمەنقۇلوۆ, داۆيد لوريا, بەرىك قانيەۆ جانە قايرات ورازبەكوۆ ءوز كانديداتۋراسىن ۇسىنعان.
سونداي-اق, قفف-نىڭ قازىرگى باسشىسى ادىلبەك جاقسىبەكوۆ تە بۇل لاۋازىمعا قايتا سايلانۋ تۋرالى شەشىم قابىلداعانى بەلگىلى بولدى.
ءادىل بارمەنقۇلوۆ قاراعاندىنىڭ «شاحتەر» فۋتبول كلۋبىندا جۇمىس ىستەدى. سونىمەن قاتار ول فەدەراتسيانىڭ اتقارۋ كوميتەتى قۇرامىنا كىرەدى.
ولجاس ابراەۆ قازاقستاننىڭ كاسىبي فۋتبول ليگاسىن باسقارادى جانە قفف ۆيتسە-پرەزيدەنتى.
داۆيد لوريا بۇعان دەيىن فك «استانانىڭ» باس ديرەكتورى بولدى. سونىمەن قاتار, ەلوردالىق فۋتبول فەدەراتسياسىن باسقاردى.
بەرىك قانيەۆ - قازاقستاندىق فۋتبولدا تانىمال مەتسەنات, «جاس قىران» كلۋبىنىڭ جانە اكادەميانىڭ, ستاديوننىڭ يەسى.
قايرات ورازبەكوۆ ۇزاق ۋاقىت بويى «قايراتتىڭ» پرەزيدەنتى بولدى. سونداي-اق, ابراەۆ, قانيەۆپەن بىرگە اتقارۋ كوميتەتى قۇرامىنا كىرەدى.
