اۋىل شارۋاشىلىعى عىلىمدارىنىڭ دوكتورى بولات مۇحامبەتوۆ جەتەكشىلىك ەتەتىن عالىمدار توبى ورمانعا لايىقتالعان كوشەتتەردى, سونداي-اق جەمىس اعاشىن ءوسىرۋ ءۇشىن سازدى جانە اۋىر سازدى توپىراقتى تۇزدانۋدان قورعاۋدىڭ تىڭ ءتاسىلىن ويلاپ تاپتى. عالىمنىڭ ايتۋىنشا, تۇزدانعان توپىراقتى تەرەڭ قوپسىتۋ جۇرگىزىلەدى. ارىقتار, ۋاقىتشا جانە توپتاما كارىزدەر ءتىلىنىپ, جالدار ۇيىلەدى. تىڭايتقىش بەرىلگەننەن كەيىن تاناپتاعى جەر تەگىستەلىپ, گەكتارىنا 15-20 توننا كوڭ, 3-5 توننا عانىش (بور تاستى كۇيدىرۋ ارقىلى الىناتىن قۇرىلىس ماتەريالى), گەوليت نەمەسە شۋنگيت تابيعي سوربەنتتەرى قولدانىلادى. باسقاشا بەينەلەگەندە, تالدىڭ, سونىڭ ىشىندە جەمىس اعاشىنىڭ كوشەتىن ەگۋ الدىندا توپىراقتى سۋ مەن تۇزدان ارىلتىپ الۋ كەرەك.
– قازىر اتالعان ينتەگراتسيالىق ءتاسىلدى قولدانۋ ءۇشىن جەرگىلىكتى كاسىپكەرلەردىڭ ءبىرى 1 گەكتار جەر تەلىمىن ۇسىنىپ وتىر. بۇل ءادىس ءبىر جىلدا تيىمدىلىگىن بەرەدى. جاڭا جوبانى ءتيىمدى پايدالانساق, قۇنارلانعان توپىراققا ەگىلگەن كوشەتتەر جايقالىپ ءوسىپ, جەمىس بەرەر ەدى, – دەيدى بولات مۇحامبەتوۆ. جاقىندا اتىراۋلىق عالىمداردىڭ جاڭا جوباسىنا پاتەنت بەرىلدى.
اتىراۋ وبلىسى
