اتالعان توپ قاتارىندا پارلامەنت ءماجىلىسىنىڭ دەپۋتاتتارى ا. ليننيك, ا. قوجاحمەتوۆ, ب. دۇيسەنبينوۆ, گ. بيجانوۆا, ۆ. نابيەۆ, ن. راززاق, الماتى قالاسى ءماسليحاتىنىڭ دەپۋتاتى ا. ابىلكاسيموۆا, ادۆوكاتتار ج.ساپارحانوۆا مەن ن.جازىلبەكوۆ بار. ولار تەرگەۋ يزولياتورىنىڭ رەجيمدىك كورپۋستارىندا بولىپ, كۇدىكتىلەردىڭ جاي-كۇيىمەن تانىستى.
تەرگەۋ يزولياتورىنا كەلگەن دەپۋتاتتار مەن ادۆوكاتتارعا الماتى قالاسى پروكۋرورىنىڭ ورىنباسارى ن. اۋعانباەۆ پەن الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى د. قاناتبەكوۆ لا-155/18 مەكەمەنىڭ (تەرگەۋ يزولياتورى) قىزمەتىن ۇيىمداستىرۋ جانە قاڭتار وقيعاسى كەزىندە قامالعانداردى تەرگەپ-تەكسەرۋ ءتارتىبى جايلى اقپارات بەردى.
ءماجىلىس دەپۋتاتتارى تەرگەۋ يزولياتورىنداعى تەكسەرۋدەن سوڭ, قاڭتار وقيعاسىنا قاتىستى ۇستالعان 11 كۇدىكتىنى جەكە قابىلداپ, وتىنىشتەرىن تىڭدادى.
ولار ۇستالعانداردى جەكە قابىلداۋ كەزىندە مەكەمەدەگى ۇستاۋ جاعدايىنا, ونىڭ ىشىندە ازاپتاۋعا قاتىستى شاعىمداردىڭ بولماعانىن مالىمدەدى.
