بىلتىر 287 بالا ينفەكتسيالىق ستاتسيوناردا ەم العان. داۋاسىز دەرتكە دۋشار بولعاندار اراسىندا جۇكتى ايەلدەر دە از ەمەس.
– وبلىس بويىنشا 23 بالا ستاتسيونارلىق اۋرۋحانالاردا ەم قابىلداپ جاتىر, – دەيدى وبلىستىق كوپبەيىندى بالالار اۋرۋحاناسىنىڭ باس دارىگەرى سەرىكجان سابىراليەۆ, – توسەكتىك ورىن 80 پايىزعا تولىق. اۋرۋى ورتاشا دارەجەدەگى بالالار ەمدەلۋدە. ءبىر داتكە قۋاتى, اۋىر جاعدايداعى بالالار جوق.
باس دارىگەردىڭ ايتۋىنا قاراعاندا, وتكەن جىلمەن سالىستىرعاندا بالالاردىڭ كوروناۆيرۋس ىندەتى ءبىرشاما جەڭىل وتۋدە ەكەن. وسىعان دەيىن تالاي ەسكەرتىلگەن جايعا قۇلاق اسقان ءجون. ەكپەنىڭ ءتيىمدى ەكەندىگىن ۆاكتسينا العان بالالاردىڭ بىردە-ءبىرى اۋىرماعانىنان اڭعارۋعا بولادى. ۆاكتسينا الماعان بالالار اراسىندا اۋرۋ كوپ, اسقىنۋ دا بار. جەتى بالا اۋرۋى اسقىنىپ تۇسكەن.
وسى ارادا سانيتارلىق تالاپتاردى ساقتاۋ قاجەتتىگىن تاعى ءبىر قايتالاپ ايتساق, ارتىقتىعى بولماس. وبلىس ورتالىعىنداعى Viamedis سەرىكتەستىگى امبۋلاتوريالىق ەمحانالىق ءبولىمىنىڭ جەتەكشىسى گۇلنازيا زۇلقارناەۆانىڭ ايتۋىنا قاراعاندا, تۇماۋ بەلگىلەرى بار ادامدار ءۇشىن ارنايى سۇزگى بولمەلەرى جابدىقتالعان. بۇل جەردە فەلدشەرلەر جۇمىس ىستەپ, ناۋقاستارداعى ينفەكتسيا بەلگىلەرىن تەكسەرەدى. مامانداردىڭ پىكىرىنشە, وڭىردە كوروناۆيرۋستىڭ شتامىن تۇبەگەيلى انىقتاۋ قيىندىق تۋعىزىپ وتىر. زەرتحانالىق تالداۋ رەسپۋبليكالىق دەڭگەيدە عانا جۇرگىزىلەدى ءارى وتكەن جىلمەن سالىستىرعاندا قازىرگى شتامم باسقا. ماسەلەن «دەلتا» شتامى كۇردەلى اسقىنۋلارمەن وتكەن بولسا, «وميكرون» شتامى ءبىرشاما جۇقپالى بولعانىمەن الدەقايدا جەڭىل. قالاي بولعان كۇندە دە سانيتارلىق تالاپتاردى بۇلجىتپاي ورىنداعان ءلازىم. ساقتانساڭ ساۋ بولاسىڭ دەگەن ءسوزدىڭ شىندىعىنا كوز جەتكەلى قاشان؟!
اقمولا وبلىسى
