گەننادي گولوۆكين بريتاندىق Sky Sports باسىلىمىنا بەرگەن سۇحباتىندا ۇلىبريتانياداعى جەكپە-جەگىن ەسكە الدى, 2016 جىلى لوندوندا GGG جەرگىلىكتى بۇرىنعى الەم چەمپيونى كەلل برۋكتى نوكاۋتقا جىبەردى.
گولوۆكين, ەگەر وعان لايىقتى ۇسىنىس تۇسسە, تۇماندى البيونعا قۋانا-قۋانا ورالاتىنىن اتاپ ءوتتى.
«مەنىڭ ۇلىبريتانياعا كەلۋىم ەسىمدە. ماعان بۇل جەكپە-جەك وتە ۇنادى, كەرەمەت بولدى. بۇل قىزىقتى دۋەل بولدى. مەن ءوزىمدى بەلگىلى ءبىر ەلمەن شەكتەمەيمىن. مۇنىڭ ءبارى كوپتەگەن فاكتورلارعا بايلانىستى. مەن اقش-تا نەمەسە مەنىڭ تۋعان قازاقستانىمدا ۇرىس ءۇشىن ۇسىنىلعان شارتتار ۇلىبريتانيادان كەلگەن ۇسىنىستاردان ەش كەم تۇسپەيتىنىنە سەنىمدىمىن», دەدى بوكسشى.
گەننادي گولوۆكيننىڭ كەلەسى قارسىلاسى WBA Super تيتۋلىنىڭ يەگەرى ريوتا مۋراتا (16-2, 13 كو) بولادى دەپ كۇتىلۋدە. جەكپە-جەك جاپونيادا وسى كوكتەمگە جوسپارلانعان, بىراق ناقتى كۇنى ءالى بەلگىسىز.
