«قالا تۇرعىندارىنىڭ ءۇي جاعدايىن جاقسارتۋ ماقساتىندا جۇمىس ىستەپ جاتىرمىز. بۇل الەۋمەتتىك پاتەرلەردىڭ قۇرىلىسى, قولجەتىمدى جەڭىلدىكتەر قاراستىرىلعان تۇرعىن ءۇي باعدارلامالارىن ىسكە قوسۋ, ۇزاق قۇرىلىستاردى اياقتاۋ. بىراق تاعى ءبىر بولىگى بار - بۇل اپاتتى ۇيلەردى بۇزۋ. توزۋعا بايلانىستى مۇنداي ۇيلەردە شاتىر اعىپ, ىرگەتاس توگىلە باستايدى, ەلەكتر سىمدارى, كارىز جانە ماسەلەلەر ۇنەمى تۋىندايدى. ۇيلەردىڭ سالىنعان جىلىن ەسكەرە وتىرىپ, پەش پاتەرلەردىڭ ىشىندە, ال دارەتحانالار كوشەدە بولاتىن كوپ پاتەرلى ۇيلەر ءالى دە بار. وسى جىلى اپاتتى ۇيلەردەن 300-دەن استام وتباسىن كوشىرۋدى جوسپارلاپ وتىرمىز. بۇگىن اپاتتى جاعدايداعى ەكى ءۇيدىڭ تۇرعىندارىمەن كەزدەستىم. بۇل سارىارقا اۋدانىنداعى دۇكەن ۇلى, 21 مەكەن-جايىندا ورنالاسقان بەس قاباتتى جاتاقحانا. ءبىز ءدال ءبىر جىل بۇرىن وسى ءۇيدىڭ تۇرعىندارىمەن كەزدەسىپ, بارلىق ماسەلەلەردى تالقىلادىق. ءبىز ونى بۇزامىز. ءماسليحاتتا بۇل شەشىم قولداۋ تاپتى, وسى جىلعا ارنالعان بۇزۋ جوسپارىنا ەنگىزىلدى», دەپ جازدى قالا اكىمى.
ول, سونداي-اق, بايقوڭىر اۋدانىنداعى ءال فارابي داڭعىلى, 27 مەكەن-جايى بويىنشا ورنالاسقان اپاتتىق ءۇيدىڭ تۇرعىندارىمەن دە كەزدەستى.
«بۇل ءۇيدىڭ توزۋى 75% قۇرايدى. ءۇي اپاتتى دەپ تانىلدى, ول دا بۇزۋ تىزىمىنە ەنگىزىلگەن. تۇرعىندار بارلىق قۇجاتتاردى رەتكە كەلتىرۋى قاجەت. ءار پاتەردە تۋىنداعان ماسەلەلەر قارالادى. سوڭعى ءۇش جىلدا اپاتتى ۇيلەردەن 700-گە جۋىق وتباسى كوشىرىلدى. سونداي-اق, تۇرعىن ءۇي كەشەنىن جوندەۋ, ليفتىلەردى اۋىستىرۋ, ۇزاق قۇرىلىس جۇمىستارىن اياقتاۋ بويىنشا جۇمىستار جۇرگىزەمىز. مەملەكەت باسشىسىنىڭ تاپسىرماسى بويىنشا جەڭىلدەتىلگەن قولجەتىمدى تۇرعىن ءۇي قۇرىلىسىنىڭ كولەمى ايتارلىقتاي ۇلعايدى», دەپ جازدى ەلوردا اكىمى.
