2014 جىلعى 13 اقپان, استانا, ۇكىمەت ءۇيى
رەسپۋبليكالىق ماڭىزى بار تاۋىنسور مەملەكەتتىك تابيعي (زوولوگيالىق) قاۋمالىنىڭ اۋماعىن ازايتۋ تۋرالى
«ەرەكشە قورعالاتىن تابيعي اۋماقتار تۋرالى» 2006 جىلعى 7 شىلدەدەگى قازاقستان رەسپۋبليكاسىنىڭ زاڭى 7-بابىنىڭ 6-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. رەسپۋبليكالىق ماڭىزى بار تاۋىنسور مەملەكەتتىك تابيعي (زوولوگيالىق) قاۋمالىنىڭ اۋماعى 3350 گەكتارعا ازايتىلسىن. 2. «رەسپۋبليكالىق ماڭىزى بار ەرەكشە قورعالاتىن تابيعي اۋماقتاردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 10 قاراشاداعى № 1074 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 42, 457-قۇجات) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن رەسپۋبليكالىق ماڭىزى بار ەرەكشە قورعالاتىن تابيعي اۋماقتار تىزبەسىندە: «قوستاناي وبلىسى» دەگەن بولىمدە: رەتتىك ءنومىرى 67-جول مىناداي رەداكتسيادا جازىلسىن: 67 تاۋىنسور مەملەكەتتىك تابيعي(زوولوگيالىق) قاۋمالى 31650 قامىستى اۋدانى قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگى 3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
