«سونىمەن قاتار بۇرىن قاماۋعا الىنعانداردىڭ بۇلتارتپاۋ شارالارىن جەڭىلدەتىپ جاتىرمىز. مىسالى, پروكۋرورلار الماتى قالاسىندا - 59, قىزىلوردا وبلىسىندا - 3 جانە شىعىس قازاقستاندا - 1 ادامدى قاماۋدان بوساتتى. ولاردان ەشقايدا كەتپەۋ تۋرالى قولحات الىندى. سول سياقتى قىزىلوردا پروكۋرورلارىنىڭ تالابى بويىنشا سوت سانكتسياسىمەن ءۇش ادام ۇيقاماققا جىبەرىلدى», دەدى ول ورتالىق كوممۋنيكاتسيالار قىزمەتىدەگى بريفينگ بارىسىندا.
ونىڭ ايتۋىنشا, وسى اتقارىلىپ جاتقان جۇمىستاردىڭ اشىقتىعىن قامتاماسىز ەتۋ ءۇشىن قوعامدىق ۇيىمدارمەن تىعىز بايلانىس ورناتىلعان.
«سونداي-اق تەرگەۋدەگى زاڭسىز ارەكەتتەر تۋرالى شاعىمداردى ەرەكشە باقىلاۋعا الىپ, تەكسەرۋدەمىز. بۇگىنگى تاڭدا پروكۋراتۋراعا 108 ارىز ءتۇستى. ولاردىڭ نەگىزىندە لاۋازىمدىق وكىلەتتىكتى اسىرا پايدالانۋ, تەرگەۋ بارىسىندا قىسىم كورسەتۋ فاكتىلەرى بويىنشا 15 قىلمىستىق ءىس قوزعالدى.
اتاپ ايتقاندا, اتىراۋداعى «دينامو» ستاديونىندا ورىن العان جاعدايلار, تالدىقورعان قالاسىنىڭ تۇرعىنى باتىرباەۆقا زاڭسىز كۇش قولدانۋ جانە باسقا دا فاكتىلەر بار. وسىنداي وقيعالاردىڭ جان-جاقتى تولىق تەكسەرىلۋىن قامتامسىز ەتۋ ءۇشىن ولار بويىنشا تەرگەۋ جۇرگىزۋ جەمقورلىققا قارسى كۇرەس قىزمەتىنە جانە ارناۋلى پروكۋرورلارعا تاپسىرىلدى», دەدى ەلدوس قيلىمجانوۆ.
