سالتاناتتى اشىلۋ راسىمىنە قازاقستان پرەزيدەنتى قاسىم-جومارت توقاەۆ جانە قحر توراعاسى سي تسزينپينمەن قاتار ارگەنتينا, مىسىر, قىرعىزستان, پولشا, رەسەي, سينگاپۋر, سەربيا, تاجىكستان, تۇرىكمەنستان, وزبەكستان, ەكۆادور پرەزيدەنتتەرى, قاتار ءامىرى, بوسنيا جانە گەرتسەگوۆينا, گرەكيا, موڭعوليا جانە پاكىستان پرەمەر-مينيسترلەرى, كامبودجا كورولى, ساۋد ارابياسىنىڭ تاق مۇراگەرى, ابۋ-ءدابيدىڭ تاق مۇراگەرى, موناكونىڭ حانزاداسى, ليۋكسەمبۋرگتىڭ ۇلى گەرتسوگى, تايلاندتىڭ حانشايىمى, بۇۇ باس حاتشىسى, حالىقارالىق وليمپيادا كوميتەتىنىڭ پرەزيدەنتى, دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى, شانحاي ىنتىماقتىق ۇيىمىنىڭ باس حاتشىسى جانە باسقا دا بىرقاتار شەتەلدىك رەسمي تۇلعا قاتىستى.
وليمپياداعا قاتىسۋشى مەملەكەتتەر سپورتشىلارىنىڭ سالتاناتتى شەرۋىندە قازاقستاننىڭ مەملەكەتتىك تۋىن شورت-ترەكشى ابزال اجىعاليەۆ پەن كونكيمەن جۇگىرۋشى ەكاتەرينا ايدوۆا الىپ ءوتتى. قازاقستاننىڭ ۇلتتىق قۇراما كومانداسىنا قاسىم-جومارت توقاەۆ قول بۇلعاپ, قولداۋ كورسەتتى.
