دۇنيەجۇزىلىك دەنساۋلىق ساقتاۋ ۇيىمىنىڭ افريكالىق اعا ۆيرۋسولوگى نيكسي گۋمەدە-موەلەتسي «جاسىرىن وميكرون» دەپ اتالاتىن وميكرون شتامىنىڭ جاڭا ءتۇرى افريكانىڭ 5 ەلىندە تىركەلگەنىن, ونى قولدانىستاعى سىناقتاردى قولدانۋ ارقىلى انىقتاۋ وتە قيىن ەكەنىن ايتتى.
«وميكروننىڭ BA.2 دەپ اتالاتىن جاڭا كىشى ءتۇرى كونتينەنتتىڭ بوتسۆانا, كەنيا, مالاۆي, سەنەگال جانە وڭتۇستىك افريكا سەكىلدى 5 ەلىندە انىقتالدى. بۇل ءبىزدى قاتتى الاڭداتادى», دەدى ۆيرۋسولوگ.
ول قولدا بار سىناقتار كوروناۆيرۋستىڭ جاڭا شتامىن انىقتاي المايتىنىن, سوعان بايلانىستى ددۇ دۇنيە جۇزىندەگى بىرنەشە زەرتحانالارمەن جۇمىس ىستەپ جاتقانىن ءتۇسىندىردى.
ازىرگە ددۇ ساراپشىلارى افريكادا تابىلعان ۆيرۋس نۇسقاسىنىڭ قانشالىقتى پاتوگەندى ەكەنىن ايتا المايدى.
