وسىعان وراي تابيعي مونوپوليالاردى رەتتەۋ كوميتەتىنىڭ وبلىستىق دەپارتامەنتى «قازترانسگازايماق» اق اتىراۋ وڭىرلىك فيليالىنىڭ تاراتۋشى قۇبىرلار ارقىلى گاز تاسىمالداۋ قىزمەتىنە 2022-2027 جىلدارعا ارنالعان ءتاريفىن مىڭ تەكشە مەترگە 1 133,39 تەڭگەگە دەيىن ارزانداتتى. بۇل 2016-2021 جىلدارداعى تاريفپەن سالىستىرعاندا 36%-عا تومەن. سونداي-اق جابدىقتاۋ ۇستەمەاقىسى مىڭ تەكشە مەتر ءۇشىن 916,17 تەڭگەگە (43%) تومەندەتىلىپ وتىر. تومەندەتىلگەن باعا بيىلعى 1 اقپاننان باستاپ قولدانىسقا ەندى.
– اتىراۋ وبلىسىنىڭ تۇتىنۋشىلارى ءۇشىن «قازترانسگازايماق» اق گازىنىڭ تۇپكىلىكتى باعاسى 38,9%-عا دەيىن تومەندەتىلدى. تۇرمىستىق تۇتىنۋشىلار (تۇرعىندار) مەن جىلۋ ەنەرگەتيكالىق كومپانيالار تۇرعىندار ءۇشىن جىلۋ ەنەرگياسىن وندىرۋگە تاۋارلىق گازدى تۇتىنۋدىڭ مىڭ تەكشە مەترى 4 720,33 تەڭگە, جىلۋ جانە ەلەكتر ەنەرگياسىن وندىرۋگە تاۋارلىق گازدى تۇتىناتىن ەنەرگەتيكالىق جانە وزگە دە زاڭدى تۇلعالار ءۇشىن مىڭ تەكشە مەترى 11 482,47 تەڭگەنى قۇرايدى. ال بيۋدجەتتىك مەكەمەلەرگە مىڭ تەكشە مەترى –
13 344,23 تەڭگە, تۇتىنۋشىلارعا ودان ءارى ساتۋ ماقساتىندا سىعىمدالعان جانە سۇيىتىلعان تابيعي گاز ءوندىرۋ ءۇشىن تاۋارلىق گازدى ساتىپ الاتىن زاڭدى تۇلعالارعا – 11 518,56 تەڭگە, – دەپ ءمالىم ەتتى وبلىس اكىمدىگىنىڭ ءباسپاسوز قىزمەتىنەن.
ال قارجىلىق مونيتورينگ اگەنتتىگىنىڭ اتىراۋ وبلىستىق دەپارتامەنتى ءمونوپوليستىڭ تۇرعىندار مەن زاڭدى تۇلعالار ءۇشىن ماگيسترالدىق قۇبىرلار ارقىلى سۋمەن قامتاماسىز ەتۋ ءتاريفىن اسىرا باعالاۋ دەرەگىن انىقتادى. قازىر اتالعان دەرەككە قاتىستى قىلمىستىق كودەكستىڭ 221-بابىنىڭ 1-بولىگىمەن (مونوپوليالىق قىزمەت) سوتقا دەيىنگى تەرگەۋ جۇرگىزىلىپ جاتىر. وسىعان بايلانىستى تۇتىنۋشىلارعا كەلتىرىلگەن زالالدى وتەۋ ماقساتىندا بيىلعى جىلدىڭ سوڭىنا دەيىن اتىراۋ وبلىسىنىڭ تۇرعىندارى ءۇشىن اتالعان كوممۋنالدىق قىزمەتگە جەڭىلدەتىلگەن وتەمدىك تاريف ەنگىزىلدى.
اتىراۋ وبلىسى
