نۇر-سۇلتان قالاسىندا الەۋمەتتىك كومەك كورسەتۋدىڭ, ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ قاعيدالارىنا سايكەس ساناتورلىق-كۋرورتتىق ەمدەلۋگە جۇمسالعان شىعىنداردى وتەۋ تۇرىندە الەۋمەتتىك كومەك كوزدەلگەن. مۇنداي الەۋمەتتىك قولداۋدىڭ يگىلىگىن بىرقاتار ازامات كورە الادى. ماسەلەن, وڭالتۋدىڭ جەكە باعدارلاماسىندا جەكە كومەكشىنىڭ الەۋمەتتىك قىزمەتتەرىن ۇسىنۋ بويىنشا ءىس-شاراسى بار مۇگەدەك بالالاردى جانە ءى توپتاعى مۇگەدەكتەردى ەرتىپ جۇرەتىن ادامدار (جۇمىس ىستەپ ءجۇرىپ مەرتىككەن نەمەسە كاسىپتىك اۋرۋعا شالدىققان مۇگەدەكتەردى قوسپاعاندا).
الەۋمەتتىك كومەك الۋ ءۇشىن ازاماتتار ساناتورلىق-كۋرورتتى العاننان كەيىن 30 كۇنتىزبەلىك كۇننەن كەشىكتىرمەي اكىمشىگە بىرقاتار قۇجاتتى قوسا ۇسىنا وتىرىپ, ءوتىنىش بەرەدى. ونداي قۇجاتتاردىڭ قاتارىندا جەكە باسىن كۋالاندىراتىن قۇجات, شوت-فاكتۋرا نەمەسە فيسكالدى چەك; ورىندالعان جۇمىستار اكتىسى, ەكىنشى دەڭگەيدەگى بانكتەگى نەمەسە «قازپوشتا» اكتسيونەرلىك قوعامىنداعى بانك شوتىنىڭ ءنومىرى تۋرالى مالىمەتتەر بار.
قۇجاتتار سالىستىرىپ تەكسەرۋ ءۇشىن تۇپنۇسقادا ۇسىنىلادى. سودان كەيىن قۇجاتتاردىڭ تۇپنۇسقالارى ءوتىنىش بەرۋشىگە قايتارىلادى. ساناتورلىق-كۋرورتتىق ەمدەلۋگە ارنالعان شىعىنداردى وتەۋ تۇرىندەگى الەۋمەتتىك كومەك ازاماتتاردىڭ ساناتورلىق-كۋرورتتىق ەمدەۋدى ۇسىناتىن ۇيىمدا بولعان كەزەڭىندە ءبىر ادامعا ناقتى شىعىندار مولشەرىندە, بىراق 35 اەك-تەن اسپايتىن مولشەردە بەرىلەدى.
اتالعان الەۋمەتتىك كومەك كورسەتۋ ماسەلەلەرى بويىنشا نۇر-سۇلتان قالاسى, دوستىق كوشەسى, 13 مەكەنجايىندا ورنالاسقان قالانىڭ جۇمىسپەن قامتۋ جانە الەۋمەتتىك قورعاۋ باسقارماسىنا حابارلاسۋ قاجەت. بايلانىس تەلەفونى: +77785014172.
