كەزدەسۋ بارىسىندا تاراپتار ەكونوميكالىق ءوسۋدى قامتاماسىز ەتۋ, حالىقتىڭ ءال-اۋقاتىن جاقسارتۋ, سونداي-اق استانانىڭ نەگىزگى الەۋمەتتىك-ەكونوميكالىق كورسەتكىشتەر ماسەلەلەرىن تالقىلادى.
مەملەكەت باسشىسىنىڭ سوڭعى تاپسىرمالارى شەڭبەرىندە نۇر-سۇلتان قالاسىنىڭ اكىمدىگى بيۋدجەتارالىق قاتىناستاردى جەتىلدىرۋ جونىندە ۇسىنىستارىن جەتكىزدى.
ءوز كەزەگىندە ۇلتتىق ەكونوميكا ءمينيسترى وسى باعىتتا جۇرگىزىلىپ جاتقان جۇمىستار جانە جالپى سيپاتتاعى ترانسفەرتتەردى ەسەپتەۋ ادىستەمەسىنىڭ نەگىزگى قاعيداتتارى تۋرالى باياندادى. كەزدەسۋ قورىتىندىسى بويىنشا الىبەك قۋانتىروۆ بيۋدجەتارالىق قاتىناستاردى ودان ءارى جەتىلدىرۋ جونىندەگى جۇمىس توبى شەڭبەرىندە اكىمدىكتىڭ ۇسىنىستارىن قوسىمشا قاراپ, تالقىلاۋدى ۇسىندى.
استانانى دامىتۋداعى ماڭىزدى اسپەكت ونىڭ اگلومەراتسيالىق دامۋى. سوندىقتان «اگلومەراتسيالاردى دامىتۋ تۋرالى» زاڭ جوباسىن ازىرلەۋ شەڭبەرىندە مينيسترلىك پەن اكىمدىكتىڭ ءىس-قيمىلىن ۇيلەستىرۋ جۇمىسى جۇرگىزىلىپ جاتىر.
