«اكتيۆتەر جانە مەملەكەتتىك ساتىپ الۋ باسقارماسىنا كوممۋنالدىق مەنشىككە كولىك ساتىپ الۋعا, تاۋەلسىزدىك, بەيبىتشىلىك جانە كەلىسىم سارايلارىن اعىمدىق جوندەۋگە, جابدىقتار ساتىپ الۋعا قوسىمشا 4 ملرد 120 ملن تەڭگە كوزدەلىپ وتىر. قارجى باسقارماسىنا جەرگىلىكتى اتقارۋشى ورگاننىڭ رەزەرۆىنە 8 ملرد 626 ملن تەڭگە جانە پايدالانىلماعان نىسانالى ترانسفەرتتەردى قايتارۋ كوزدەلەدى», دەگەن باسقارما باسشىسى قالالىق ءماسليحاتتىڭ جىلدىق شىعىنىنا دا قوسىمشا قاراجات ءبولۋ كەرەكتىگىن ايتتى.
ء«ماسليحات اپپاراتىنا ەڭبەكاقى تولەۋ قورىنان نورماتيۆتىك-قۇقىقتىق اكتىلەردى جاريالاۋعا جانە كۇردەلى شىعىستارعا قوسىمشا 59,4 ملن تەڭگە قاراستىرىلدى. ينۆەستيتسيالار جانە كاسىپكەرلىكتى دامىتۋ باسقارماسىنا بيزنەستىڭ «بيزنەستىڭ جول كارتاسى» شەڭبەرىندەگى جوبالاردى سۋبسيديالاۋعا قوسىمشا 2 ملرد تەڭگە قاراستىرىلدى. تسيفرلاندىرۋ جانە مەملەكەتتىك قىزمەتتەر باسقارماسىنا دەرەكتەرى «بۇلتتى» پلاتفورمادا ساقتالاتىن قوعامدىق ورىنداردى بەينەباقىلاۋ جۇيەسىن جالعا الۋعا جانە قىزمەت كورسەتۋگە قوسىمشا 537 ملن تەڭگە كوزدەلەدى», دەدى قايسار ماڭقاراەۆ.
ايتا كەتەيىك, اتالعان بيۋدجەت جوباسى ءالى بەكىتىلگەن جوق. قوعامدىق كەڭەستىڭ قۇزىرىنا قالا بيۋدجەتىن بەكىتۋ وكىلەتى بەرىلمەگەن. كەڭەس مۇشەلەرىنىڭ ۇسىنىستارى مەن ەسكەرتۋلەرى تەك كونسۋلتاتسيالىق ماڭىزعا يە.
