شەكتەۋلەر الىندى دەپ, شەكتەن شىعۋعا بولمايدى

وبلىستىق دەنساۋلىق ساقتاۋ باسقارماسى ءباسپاسوز قىزمەتى­نىڭ اقپاراتىنا قاراعاندا, 31 قاڭتاردا اتىراۋ قالاسىندا كوروناۆيرۋستى جۇقتىرۋدىڭ 39 جاعدايى راستالىپ وتىر. ال تەڭىز كەن ورنىندا 2 ناۋقاس تىركەلگەن. سونداي-اق جىلىوي اۋدانىندا – 4, يساتايدا – 1, قۇر­مانعازىدا – 1, ماحامبەت اۋدا­نىندا 1 ناۋقاس انىقتالدى. قاۋىپتى ۆيرۋستان 696 ادام ەمدە­لىپ شىقتى.

قازىر ءۇي جاعدايىندا – 6 048 ادام, 2 360 ورىندىق ينفەك­تسيالىق ستاتسيونارلاردا 276 ناۋ­قاس (جۇكتەمە – 11,7%) ەمدەلۋ ءۇشىن وقشاۋلانعان. ونىڭ ىشىندە مودۋلدىك اۋرۋحانادا – 150, فتيزيوپۋلمانولوگيالىق ورتالىقتا – 53, اۋدانداردا اشىل­عان ينفەكتسيالىق ستاتسيو­نار­لاردا – 50, ال №2 وبلىستىق اۋرۋحانادا 23 ناۋقاس ەم قابىل­داپ جاتىر. جىلىوي اۋدانىندا ورنالاسقان تەڭىز كەن ورنىندا­عى ينفەكتسيالىق ستاتسيوناردا ەمدە­لىپ جاتقان ناۋقاس جوق.

وسىعان بايلانىستى 31 قاڭ­­تاردا وبلىستىڭ باس ساني­تار دا­رىگەرى مادەنيەت تانا­ۋوۆ «اتى­راۋ وبلىسىنىڭ كاران­تين­دىك شەكتەۋ شارالارىن كەزەڭ-كەزە­ڭىمەن جەڭىلدەتۋ تۋرالى» جاڭا قاۋلىعا قول قويدى. جاڭا قاۋلىعا سايكەس تۇرعىنداردىڭ الاڭدار مەن سكۆەرلەردە, جاعا­لاۋلار مەن ساياباقتاردا, وزگە دە دەمالىس ورىندارىندا ءبىر وتباسى مۇشەلەرىن قوسپاعاندا, 3 ادامنان ارتىق توپ بولىپ جي­نالۋىنا تىيىم سالىندى. مۇنداي تىيىم ويىن-ساۋىق, سال­تاناتتى, ەسكە الۋ, وتباسىلىق (بانكەتتەر, ۇيلەنۋ تويلارى, مەرەيتويلار), ونىڭ ىشىندە ۇيدە وتكىزىلەتىن, Ashyq جوباسىنا قاتىسۋشىلاردى ەسەپتەمەگەندە, ادامدار كوپ جينالاتىن ءىس-شارالارعا دا قولدانىلادى.

ال مەكتەپتەردە ساباق وتكىزۋ­دىڭ ەكى فورماتى ۇسىنىلىپ وتىر. ماسەلەن, مەكتەپكە دەيىنگى ءبى­لىم بەرۋ ۇيىمدارى جۇمىسىن شتاتتىق رەجىمدە جالعاستىرادى. الايدا اتا-انالاردىڭ ءوتىنىشى ەسكەرىلەدى. قوسىمشا ءبىلىم بەرۋ ورتالىقتارى دا شتاتتىق رە­جىمدە جۇمىس ىستەيدى. وڭىردەگى 600-گە دەيىن وقۋشى وقيتىن مەكتەپتەردە, وزگە ءبىلىم وردا­لا­رىنىڭ 1-4-سىنىپتارىندا سا­باق شتاتتىق رەجىمدە وتكىزىلە بەرەدى. سونداي-اق حالىقارالىق مەكتەپتەردەگى 1-6-سىنىپتاردىڭ وقۋشىلارى وسىنداي وقۋ فورماتىمەن ساباققا قاتىسادى.

وقۋشى سانى 600-دەن اساتىن مەكتەپتەرگە ساباقتى جوبالىق سىيىمدىلىعىنىڭ 50 پايىزىنان اسپايتىن جۇكتەمەمەن شتات­تىق رەجىمدە وتكىزۋ ۇسى­نىل­دى. كوللەدجدەر مەن جوعارى وقۋ ورىن­دارىنىڭ ستۋدەنتتەرى ارالاس فورماتتا وقيدى. بارلىق ءدارىس ونلاين, ال پراكتيكالىق, زەرتحانالىق, سەمينارلىق سا­باق­تار, وندىرىستىك پراكتيكالار يكەم­دى كەستە بويىنشا شتاتتىق رە­جىمدە وتەدى.

وبلىستىق سانيتارلىق-ەپي­دەميالىق باقىلاۋ دە­پارتا­­مەن­تى باسشىسىنىڭ ورىن­با­سا­رى ءاليا بەكەشەۆانىڭ ايتۋىن­شا, قىزمەتكەرلەر مەن كەلۋ­شىلەردىڭ قاۋىپسىز «جاسىل» مارتەبەسىمەن جۇمىس ىستەي­تىن نىساندار ءۇشىن شەكتەۋلەر الى­نىپ تاستالدى. دەمەك Ashyq جو­باسىنا قاتىساتىن نىسان­دار­دىڭ جۇمىس جانە دەمالىس كۇندەرىندەگى جۇمىس رەجىمىنىڭ ۋاقىتىنا شەكتەۋ بولمايدى. Ashyq جوباسىنا قوسىلعان نى­سانداردا سالتاناتتى تويلار­دى, ەسكە الۋ, ويىن-ساۋىق, سپورت­تىق ءىس-شارالاردى وتكىزە بەرۋ­گە بولادى. كورمەلەر مەن كون­فەرەنتسيالاردى, فورۋمدار­دى وتكىزۋگە رۇقسات ەتىلدى. سپورت كە­شەندەرى, ويىن كلۋبتارى, كازينو, تۇنگى كلۋبتار, كاراوكە, سا­ۋىقتىرۋ جانە ءدىني, ساۋدا-ويىن-ساۋىق نىساندارى بۇرىنعىشا جۇمىس ىستەيدى. بۇدان بىلاي ساۋ­دا الاڭى 1000 شارشى مەتر­دەن اساتىن ازىق-ت ۇلىك ەمەس بۇ­يىمدار, سونداي-اق ساۋدا الا­ڭى 6000 شارشى مەتردەن اسا­­تىن ازىق-ت ۇلىك ساتاتىن ساۋ­دا جە­لىلەرىنىڭ, باسسەيندەردىڭ جۇ­مىسى توقتاتىلمايدى.

– بىراق كارانتيندىك شەكتەۋ­لەر الىندى ەكەن دەپ, ساقتىق شارالارىن ۇمىتۋعا بولمايدى. بۇل – ماسكا تاعۋ رەجىمىن ساقتاۋ. كوروناۆيرۋس ينفەكتسياسىنا ­قار­سى ۆاكتسينالاۋدان, سونداي-اق رەۆاكتسينالاۋدان ءوتۋدى ەسكە­رۋ قاجەت. ويتكەنى قاۋىپتى ۆيرۋس­تىڭ تارالۋىن تەجەۋدىڭ جالعىز ءتاسىلى – ۆاكتسينا سالدىرۋ, – دەيدى ءاليا بەكەشەۆا.

وڭىردە تۇرعىنداردىڭ ۆاكتسينا سالدىرۋىنا ىڭعايلى بولۋى ءۇشىن 69 ەگۋ بەكەتى جۇمىس ىستەيدى. ونىڭ ىشىندە جىلجىمالى 10 بەكەت بار. وسى بەكەتتەردە بىلتىرعى 1 اقپاننان بەرى
264 598 اتىراۋلىق COVID-19 ينفەكتسياسىنا قارسى ۆاكتسينا­لاردىڭ ءبىرىنشى كومپونەنتىن سالدىردى. ۆاكتسينالاردىڭ ەكىنشى كوم­پونەنتىن العانداردىڭ سانى 247 648 ادامعا جەتتى. سونداي-اق 25 955 ادام قايتا ۆاكتسينالاۋ­دان وتكەن. Pfizer ۆاكتسيناسىن ال­عاندار 5 304 ادامدى قۇراپ وتىر.

اتىراۋ وبلىسى