بالالار اراسىندا اۋىرعاندار ارتتى

وڭىردەگى دەنساۋلىق ساقتاۋ باسقارماسى مەن سانيتاريالىق-ەپيدەميولوگيالىق باقىلاۋ دەپارتامەنتى ماماندارى كوروناۆيرۋس ينفەكتسياسىنىڭ تارالۋىنا بايلانىستى احۋالدى جاريا ەتتى. ماسەلەن, 21-27 قاڭتار ارالىعىندا الدىڭعى اپتامەن سالىستىرعاندا اۋرۋشاڭدىق دەڭگەيى 27%-عا, 2 188-دەن 2 997-گە دەيىن ءوستى.

وبلىس ەپيدەميالىق احۋال بو­يىنشا 14 قاڭتاردان بەرى «قىزىل» ايماقتا. جالپى, ەپيدەميا باستالعالى 45 792 ادام وسى اۋرۋدى جۇقتىرسا, 859 ادام COVID-19-دان كوز جۇمعان.

«اۋرۋشاڭدىق دەڭگەيى كوتەرى­لىپ, ستاتسيونارلاردىڭ تو­لىم­­دىلىق پايىزى ارتقان سوڭ توسەك سانىن 619-دان 751-گە دەيىن ۇلعايتتىق. وسىلايشا, بايتە­رەك اۋداندىق اۋرۋحاناسىن­دا – 30 توسەك, كۆي وڭ ناتيجەلى بوساناتىن ايەلدەر ءۇشىن وبلىستىق پەرينا­تالدىق ورتالىقتا – 20 توسەك جانە وبلىستىق ينفەك­تسيا­لىق اۋرۋحانادا بالالارعا ار­نال­عان توسەكتىك ورىندار اشىل­دى», دەيدى وبلىستىق دەن­ساۋ­لىق ساقتاۋ باسقارماسى باس­شى­سى­نىڭ ورىنباسارى اسحات بالىقوۆ.

ءدال قازىر وبلىس بويىنشا 13 ينفەكتسيالىق ستاتسيونار ىستەپ تۇر. مۇندا 310 ناۋقاس ەم الۋدا. 76 رەانيماتسيالىق توسەكتىك-ورىندا 18 ناۋقاس ەمدەلۋدە.

وڭىردە كوروناۆيرۋس ينفەكتسياسىنا قارسى ۆاكتسينانىڭ ءبىرىنشى كومپونەنتىن العان ادام سانى 265 637-گە جەتكەن. بۇل جالپى جوسپاردىڭ 64,1%-ىن قۇرايدى. ونىڭ ىشىندە «سپۋتنيك V» ۆاكتسيناسىن 190 116 ادام, «QazVac» ۆاكتسيناسىن 20 545 ادام, «Hayat-Vax» ۆاكتسيناسىن 25 010 ادام, «Corona-Vac» ۆاكتسيناسىن 7 729 ادام, «Vero Cell» ۆاكتسيناسىن 22 237 ادام العان. ۆاكتسينانىڭ ءىى كومپونەنتىمەن بارلىعى 248 727ادام ەگىلىپتى.

«قازىرگى تاڭدا Pfizer كومپا­نياسىنىڭ «كوميرناتي» ۆاكتسيناسىن 8 385 ادام الدى, ونىڭ ىشىن­دە 4 330-ى – ءجاسوسپىرىم, 294-ءى – جۇكتى جانە 3 761-ءى بالا ەمى­زە­تىن ايەلدەر», دەپ حابارلادى اسحات جاردەمعالي ۇلى.

بۇگىندە وبلىستىڭ 40 453 تۇر­عىنى رەۆاكتسينالاۋدان وتكەن. 25 قاڭتاردا وبلىسقا «سپۋتنيك Lite» ۆاكتسيناسىنىڭ 3 مىڭ دوزاسى جەتكىزىلدى.

وڭىردەگى سانيتاريالىق-ەپي­دە­­ميو­­لوگيالىق باقىلاۋ دەپار­­تا­مەنتى باسشىسىنىڭ ورىن­باسارى نۇرلىبەك مۇستاەۆ­تىڭ ايتۋىنشا, ينفەكتسيا, اسىرەسە كامەلەتكە تولماعاندار اراسىندا كەڭ تاراپ بارادى. ماسەلەن, جىل باسىنان بەرى 14 جاسقا دەيىنگى – 505, 15-17 جاس ارالىعىنداعى 156 ءجاسوسپىرىم ۆيرۋس جۇقتىرعان. ولاردىڭ اراسىندا – 431 وقۋ­شى, بالاباقشاعا باراتىن – 42, بارمايتىن 153 بالا بار ەكەن. Covid-19 دياگنوزى, سونداي-اق 178 مۇعالىمگە, 156 دارىگەرگە دە قويىلعان. ارناۋلى ورتا وقۋ ورىندارىنىڭ 24 ستۋدەنتى, جوو-لاردىڭ 20 ستۋ­دەنتى دە ۆيرۋس جۇقتىرىپ, ەسەپكە الىنعان.

2022 جىلعى 27 قاڭتاردا باس مەم­لەكەتتىك سانيتاريالىق دارى­­گەر­دىڭ مىندەتىن اتقارۋشى­نىڭ قولدانىستاعى شەكتەۋلەردى جەڭىلدەتۋدى كوزدەيتىن جاڭا №7 قاۋلىسى قابىلدانعان بولاتىن. سوعان سايكەس, Ashyq جوباسىنا قاتىساتىن نىساندار ءۇشىن جۇمىس جانە دەمالىس كۇندەرى ۋاقىت بويىنشا جۇمىس رەجىمىن شەكتەۋ الىنىپ تاستالدى.

سونداي-اق ەپيدەميا­لىق تاۋەكەل ايماعىنا قاراماس­تان, سالتاناتتى كەشتەردى, ەسكە الۋ, ويىن-ساۋىق, سپورتتىق ءىس-شا­را­لاردى, كورمەلەر مەن كون­فە­رەن­­تسيالار, فورۋمدار وت­كىزۋ, سپورت كەشەندەرىنىڭ, ساۋىق­تىرۋ جانە ءدىني نىساندار­دىڭ, ويىن-ساۋىق كەشەندەرىنىڭ, ساۋدا جەلى­لەرى مەن باسسەيندەر قىز­مەتىندە قىز­مەتكەرلەر مەن كەلۋ­شىلەردىڭ قاۋىپ­­سىز «جاسىل» مارتەبەسى بو­يىن­­­­شا جۇمىس ىستەيتىن وبەك­تى­لەر ءۇشىن شەكتەۋ الىنىپ تاس­تالدى.

باتىس قازاقستان وبلىسى