قازاقستان • 31 قاڭتار، 2022

حالىقارالىق ىزدەۋدە جۇرگەن الاياق ۇستالدى

40 رەت كورسەتىلدى

ەلوردالىق پوليتسەيلەر الاياقتىق جاساعانى ءۇشىن حالىقارالىق ىزدەۋدە جۇرگەن Nur-AvtoKz جشس ديرەكتورىنىڭ ورىنباسارىن ۇستادى، دەپ حابارلايدى Egemen.kz.

2021 جىلدىڭ قىركۇيەگىنەن باستاپ پوليتسياعا ەلوردانىڭ 280-گە جۋىق تۇرعىنى اقشالارى مەن اۆتوكولىكتەرىن كومپانيا باسشىلىعى الاياقتىق جولمەن يەمدەنگەنى جونىندە ارىزدانعان.

بىلگىلى بولعانداي، جشس باسشىلىعى ازاماتتارمەن اۆتوكولىكتەردى نارىقتان تومەن باعادا 45 جۇمىس كۇننىڭ ىشىندە ۇسىنۋ تۋرالى شارت جاساسقان. ساتىپ الۋشىلار اقشالاي قاراجاتتى كاسساسىنا وتكىزگەن. كليەنتتەرگە كەلتىرىلگەن شىعىننىڭ كولەمى 3 ملرد تەڭگەدەن اسادى.

ەلوردالىق پوليتسيا دەپارتامەنتى الاياقتىق فاكتىسى بويىنشا قر قك 190-بابى 4-بولىگى بويىنشا سوتقا دەيىنگى تەرگەۋ جۇرگىزۋدە.

«سوتقا دەيىنگى تەرگەۋ بارىسىندا الاياقتىق جاسادى دەپ ايىپتالعان 35 جاستاعى جشس ديرەكتورى 2021 جىلدىڭ قازان ايىنان باستاپ تەرگەۋ ورگاندارىنان جاسىرىنىپ، ىزدەۋدە بولعان. وعان قاتىستى تەرگەۋ سوتىنىڭ شەشىمىمەن «كۇزەتپەن ۇستاۋ» بۇلتارتپاۋ شاراسى تاڭدالدى.

ەلوردالىق پوليتسەيلەر ىزدەستىرۋ شارالارىن جۇرگىزۋ كەزىندە ايىپتالۋشى ۇستالىپ، اقتاۋ قالاسىنىڭ ۋاقىتشا ۇستاۋ يزولياتورىنا قامالدى»، دەپ جازىلعان حابارلامادا.

تەرگەۋ امالدارى جۇرگىزىلىپ جاتىر.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار